( ທ່ານປະທານປະເທດ Truong Tan Sang
ຕ້ອນຮັບທ່ານ Samdech Heng Samrin, ປະທານສະພາແຫ່ງຊາດກຳປູເຈຍ )
( vovworld ) - ຕອນບ່າຍວັນທີ 23/7, ຢູ່ຮ່າໂນ້ຍ, ເມື່ອໃຫ້ການຕ້ອນຮັບທ່ານ Samdech Heng Samrin, ປະທານສະພາແຫ່ງຊາດກຳປູເຈຍ ທີ່ພວມຢູ່ຢ້ຽມຢາມສັນທະວະໄມຕີຫວຽດນາມ ຢ່າງເປັນທາງການ, ທ່ານປະທານປະເທດ Truong Tan Sang ໄດ້ສະແດງຄວາມພາກພູມໃຈທີ່ໄດ້ໃຫ້ການຕ້ອນຮັບປະທານສະພາແຫ່ງຊາດກຳປູ້ເຈຍ ມາຢ້ຽມຢາມຫວຽດນາມ ກົງກັບໂອກາດທີ່ສອງປະເທດພວມສະເຫຼືມສະຫຼອງ “ປີແຫ່ງຄວາມສາມັກຄີມິດຕະພາບຫວຽດນາມ - ກຳປູເຈຍ 2012 ແລະ ສະເຫຼີມສະຫຼອງ 45 ປີແຫ່ງວັນສ້າງສາຍພົວພັນທາງການທູດລະຫວ່າງສອງປະເທດ”. ທ່ານປະທານປະເທດ Truong Tan Sangໄດ້ເນັ້ນໜັກວ່າ ພາຍຫຼັງການຢ້ຽມຢາມກຳປູເຈຍ ຂອງທ່ານເລຂາທິການໃຫຍ່ Nguyen Phu Trong ແລະ ທ່ານປະທານສາພາແຫ່ງຊາດ Nguyen Sinh Hung, ການຢ້ຽມຢາມຫວຽດນາມ ຂອງທ່ານປະທານສາແຫ່ງຊາດກຳປູເຈຍ Samdech Heng Samrin ແມ່ນຂີດໝາຍສຳຄັນເພື່ອແນໃສ່ຊຸກຍູ້ສາຍພົວພັນສາມັກຄີມິດຕະພາບລະຫວ່າງສອງປະເທດບ້າຍໃກ້ເຮືອນຄຽງ. ທ່ານປະທານປະເທດປາດຖະໜາວ່າ ສອງປະເທດຈະເພີ່ມທະວີແບງປັນບົດຮຽນ, ຮ່ວມມືໃນຫຼາຍຂົງເຂດ ແລະ ພິເສດແມ່ນຜັນຂະຫຍາຍບັນດາເອກະສານເຊິ່ງໄດ້ຮັບການລົງນາມໂດຍໄວ ເພື່ອແນໃສ່ຊຸກຍູ້ສາຍພົວພັນລະຫວ່າງສອງສະພາແຫ່ງຊາດເວົ້າສະເພາະ ແລະ ສາຍພົວພັນມິດຕະພາບລະຫວ່າງສອງປະເທດເວົ້າລວມ.
ທ່ານ Huynh Dam ແລະ ທ່ານ Samdech Heng Samrin
( ພາບ: voh.com.vn )
ແລະກໍໃນຕອນເຊົ້າວັນດຽວກັນ, ທ່ານປະທານຄະນະກຳມະການແນວໂຮມປະເທດຊາດຫວຽດນາມ Huynh Dam ກໍໄດ້ໃຫ້ການຕ້ອນຮັບຄະນະຜູ້ແທນຂັ້ນສູງສະພາແຫ່ງຊາດລາຊະອານາຈັກກຳປູເຈຍ ໂດຍທ່ານ Samdech Heng Samrin, ປະທານສະພາແຫ່ງຊາດປະທານສະພາສາມັກຄີພັດທະນາແຫ່ງຊາດກຳປູເຈຍ ນຳໜ້າທີ່ພວມຢູ່ຢ້ຽມຢາມສັນທະວະໄມຕີຫວຽດນາມ ຢ່າງເປັນທາງການ. ທ່ານປະທານສະພາແຫ່ງຊາດ Samdech Heng Samrin ໄດ້ຕີລາຄາສູງສາຍພົວພັນຖານບ້ານໃກ້ເຮືອນຄຽງອັນດີງາມ, ນ້ຳໃຈມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານລະຫວ່າງສອງປະເທດໃນໄລຍະທີ່ຜ່ານມາ; ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ການສະໜັບສະໜູນ ການຊ່ວຍເຫຼືອອັນໃຫຍ່ຫຼວງ, ລ້ຳຄ່າ, ທັນການ ແລະ ມີປະສິດທິຜົນເຊິ່ງຫວຽດນາມສະຫງວນໃຫ້ແກ່ກຳປູເຈຍ ໃນພາລະກິດປົດປ່ອບຊາດ, ກູ້ເອົາປະຊາຊົນໃຫ້ຫຼຸດຜົ້ນອອກຈາກລະບອບດັບສູນເຊື້ອຊາດ ກໍຄືໃນພາລະກິດປອງດອງຊາດ, ສ້າງສາປະເທດຊາດຄືນໃໝ່ ແລະ ປົກປັກຮັກສາປະເທດຊາດ. ທ່ານປະທານຄະນະກຳມະການແນວໂຮມປະເທດຊາດຫວຽດນາມ Huynh Dam ໄດ້ສະແດງຄວາມເຊື້ອໝັ້ນວ່າ ແນວໂຮມສາມັກຄີພັດທະນາກຳປູເຈຍ ພ້ອມກັບແນວໂຮມປະເທດຊາດຫວຽດນາມ ສືບຕໍ່ປະຕິບັດໂຄງການ, ເນື້ອໃນເຊິ່ງສອງຝ່າຍໄດ້ລົງນາມເມື່ອປີ 2011 ເປັນຢ່າງດີ.
“ແນວໂຮມຂອງສອງປະເທດ ສືບຕໍ່ຮ່ວມມືເພື່ອຂົນຂວາຍບັນດາຂັ້ນ, ຂະແໜງການ ແລະ ປະຊາຊົນປະຕິບັດບັນດາຄຳໝັ້ນສັນຍາເຊິ່ງສອງລັດ, ສອງສະພາແຫ່ງຊາດໄດ້ຮັບຮອງເອົາເປັນຢ່າງດີ. ສືບຕໍ່ສົມທົບກັນຂົນຂວາຍປະຊາຊົນສ້າງເສັ້ນຊາຍແດນສັນຕິພາບ, ມິດຕະພາບ, ກາຍເປັນເສັ້ນຊາຍແດນສະຫງົບ ແລະ ສະແດງຄວາມສາມັກຄີມິດຕະພາບລະຫວ່າງປະຊາຊົນສອງປະເທດ”.