ການປະກວດຫລິ້ນ piano ສາກົນ ຄັ້ງທີ 2
ພາບ: internet
|
(vovworld) - ພາຍຫລັງການປະກວດມາເປັນເວລາ 8 ວັນ, ການປະກວດຫລິ້ນ piano ສາກົນ ຄັ້ງທີ 2 ຢູ່ ຮ່າໂນ້ຍປີ 2012 ອັດລົງຢ່າງຈົບງາມໃນຕອນຄຳ່ວັນທີ 11/9 ໂດຍມີການເຂົ້າຮ່ວມຂອງ 53 ຄົນມາຈາກ 10 ປະເທດ ແລະ ເຂດແຄ້ວນ. ໝາກຜົນຂອງການແຂ່ງຂັນ: ນ້ອງ Phan Thien Bach Anh ອາຍຸ 10 ປີ ແມ່ນນັກຮຽນສະຖາບັນດົນຕີແຫ່ງຊາດ ຫວຽດນາມ ຄ້ວາໄດ້ລາງວັນທີ 1 ໃນສາຍ A. ນີ້ແມ່ນຄັ້ງທຳອິດ ນັກຮຽນ ຫວຽດນາມ ຄ້ວາໄດ້ລາງວັນທີ 1 ໃນການປະກວດຫລິ້ນ piano ສາກົນ ຮ່າໂນ້ຍ. ລາງວັນທີ 2 ໄດ້ແກ່ນັກຮຽນ Nguyen The Vinh ຂອງ ຫວຽດນາມ ແລະ Huang Tung - Jiuan ຂອງໄຕ້ຫວັນ - ຈີນ. ສ່ວນໃນສາຍ C ຊື່ງແມ່ນສາຍມີລະດັບສູງກວ່າ, ນັກຮຽນ ຫວຽດນາມ ສາມາດຄ້ວາໄດ້ພຽງລາງວັນທີ 3. ລາງວັນທີ 1 ແລະ ທີ 2 ຂອງສາຍ B ແມ່ນໄດ້ແກ່ນັກຮຽນຂອງ ສເກົາຫລີ. ລາງວັນທີ 1 ແລະ ທີ 2 ຂອງສາຍ C ແມ່ນໄດ້ແກ່ນັກຮຽນ ຍີ່ປຸ່ນ. ນັກສິລະປິນປະຊາຊົນ, ສາສະດາຈານ Tran Thu Ha ປະທານສະພາກວດສອບການປະກວດ ຫລິ້ນ piano ສາກົນ ຄັ້ງທີ 2 ຮ່າໂນ້ຍ ໄດ້ໃຫ້ຂໍ້ສັງເກດວ່າ:
“ຜ່ານການຈັດຕັ້ງງານປະກວດຫລິ້ນ piano ເປັນເທື່ອທີ 2, ຄຸນນະພາບໄດ້ຮັບການຍົກສູງຂຶ້ນ. ຄຽງຄູ່ກັນນັ້ນ ດ້ວຍການເຂົ້າຮ່ວມຂອງຄະນະດົນຕີ ແມ່ນການທົດສອບໃຫຍ່ສຳລັບບັນດານັກຮຽນ, ພິເສດ ແມ່ນນັກຮຽນ ຫວຽດນາມ. ”
ງານລາຕີມອບລາງວັນຈະດຳເນີນໄປໃນຕອນຄຳ່ວັນທີ 12/9 ຢູ່ ໂຮງລະຄອນໃຫຍ່ຮ່າໂນ້ຍ.