ການພົບປະກັບບັນດາເອກອັກຄະລັດຖະທູດແລະຫົວໜ້າກົງສູນທີ່ຫາກໍ່ໄດ້ຮັບການແຕ່ງຕັ້ງ
ທ່ານຫງວຽນທ້ຽນເຍິນ ພົບປະກັບບັນດາເອກອັກຄະລັດຖະທູດ
ແລະ ຫົວໜ້າກົງສູນທີ່ຫາກໍ່ໄດ້ຮັບການແຕ່ງຕັ້ງ
(vovworld) - ຕອນເຊົ້າວັນທີ 17/6, ຢູ່ ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ພົບປະກັບບັນດາເອກອັກຄະລັດຖະທູດ ແລະ ຫົວໜ້າກົງສູນທີ່ຫາກໍ່ໄດ້ຮັບການແຕ່ງຕັ້ງ (ອາຍຸການ 2016-2019) . ນະທີ່ນີ້, ທ່ານປະທານ ຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍິນ ໄດ້ອວຍພອນບັນດາເອກອັກຄະລັດຖະທູດ ແລະ ຫົວໜ້າກົງສູນຈົ່ງປະຕິບັດສຳເລັດໜ້າທີ່ເຊິ່ງໄດ້ຮັບມອບໝາຍຢ່າງຈົບງາມ, ປະກອບສ່ວນເຂົ້າພາລະກິດສ້າງສາ ແລະ ປົກປັກຮັກສາປະເທດຊາດຢ່າງດີເດັ່ນ; ຍົກສູງທີ່ຕັ້ງຂອງປະເທດຊາດໃນໄລຍະເຊື່ອມໂຍງປະຈຸບັນນີ້, ສ້າງຂີດໝາຍໃນອາຍຸການນີ້. ທ່ານປະທານ ຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍິນ ສະເໜີ ບັນດາເອກອັກຄະລັດຖະທູດ ແລະ ຫົວໜ້າກົງສູນ, ໃນຖານະບົດບາດຂອງຕົນສືບຕໍ່ຍາດແຍ່ງໂອກາດ, ເພີ່ມທະວີການຮ່ວມມືກັບປະເທດຕ່າງໆໃນໂລກ, ປະກອບສ່ວນສ້າງແຫຼ່ງກຳລັງຕື່ມອີກໃຫ້ແກ່ການພັດທະນາປະເທດຊາດ; ສະແຫວງຫາການສະໜັບສະໜູນດ້ານການເມືອງຂອງປະເທດຕ່າງໆໃນໂລກ, ປະກອບສ່ວນປົກປັກຮັກສາເອກະລາດ, ອະທິປະໄຕຂອງຊາດ. ຄຽງຂ້າງນັ້ນ, ຄວນດຶງດູດການປະກອບສ່ວນຂອງຊາວ ຫວຽດນາມອາໄສຢູ່ຕ່າງປະເທດ, ເປັນຂົວຕໍ່ເພື່ອໃຫ້ຊາວ ຫວຽດນາມອາໄສຢູ່ຕ່າງປະເທດສະໜິດຕິດພັນກັບບ້ານເກີດເມືອງນອນ, ກັບປະເທດຊາດ, ຜ່ານນັ້ນປະກອບສ່ວນປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ ເພື່ອສ້າງສາ ແລະ ປົກປັກຮັກສາປະເທດຊາດ.