ການພົບປະຂັ້ນສູງລະຫວ່ງພັກກອມມູນິດ ຫວຽດນາມ ແລະ ພັກປະຊາຊົນປະຕິວັດ ລາວ (ພາບ: nhandan.vn)

ທີ່ການພົບປະ,ເລຂາທິການໃຫຍ່, ປະທານປະເທດສອງປະເທດ ເຫັນດີເປັນເອກະພາບສືບຕໍ່ປັບປຸງ ແລະ ເພີ່ມເຕີມສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ, ສະແດງຄວາມດີໃຈກ່ຽວກັບການພົວພັນລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ ທີ່ນັບມື້ນັບພັດທະນາທີ່ດີງາມ ແລະ ຖືເປັນສຳຄັນ ກໍ່ຄືປາດຖະໜາຢາກຊຸກຍູ້ການພົວພັນຮ່ວມມືລະຫວ່າງສາມພັກ, ສາມປະເທດ, ໃນນັ້ນປະຕິບັດໝາກຜົນຂອງການພົບປະລະຫວ່າງການນຳສາມພັກ, ກໍ່ຄືກົນໄກຮ່ວມມືສາມຝ່າຍໃຫ້ເປັນຢ່າງດີ.

ທີ່ການພົບປະ, ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ເນັ້ນໜັກວ່າ ຕ້ອງສ້າງບາດກ້າວບຸກທະລຸໃນການພັດທະນາເສດຖະກິດ, ການຄ້າ ເພື່ອສົມກັບຂອບຂະໜາດການພົວພັນດ້ານການເມືອງ ແລະ ຄວາມສາມາດບົ່ມຊ້ອນ, ທ່າໄດ້ປຽບຂອງແຕ່ລະປະເທດ, ສຸມໃສ່ແກ້ໄຂບັນດາຈຸດຄົງຄ້າງໃນການຮ່ວມມື, ຊຸກຍູ້ການເຊື່ອມຕໍ່, ໜູນຊ່ວຍລະຫວ່າງສອງພື້ນຖານເສດຖະກິດ ຫວຽດນາມ - ລາວ ແລະ ລະຫວ່າງສາມພື້ນຖານເສດຖະກິດ ຫວຽດນາມ -ລາວ - ກຳປູເຈຍ.

ບັນດາການນຳພັກຂອງສອງພັກ, ສອງລັດໄດ້ເຫັນດີເປັນເອກະພາບວ່າ ໃນໄລຍະຈະມາເຖິງຄວນຕັ້ງໜ້າຜັນຂະຫຍາຍບັນດາການກຳນົດທິດຈຸດສຸມໂດຍການນຳສອງຝ່າຍເຫັນດີເປັນເອກະພາບ, ສືບຕໍ່ນຳການພົວພັນດ້ານການເມືອງເຂົ້າສູ່ລວງເລິກ, ແມ່ນຫຼັກແຫຼ່ງແກ່ນສານໃນການກຳນົດທິດສັງລວມການພົວພັນຮ່ວມມື; ປະສົມປະສານຢ່າງແໜ້ນແຟ້ນໃນບັນດາບັນຫາຍຸດທະສາດ, ພ້ອມກັນກະກຽມການຈັດຕັ້ງກອງປະຊູມໃຫຍ່ທຸກຂັ້ນຂອງພັກໃຫ້ເປັນຢ່າງດີ, ມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດຂອງແຕ່ລະພັກ, ເພີ່ມທະວີ ແລະ ເສີມຂະຫຍາຍການຮ່ວມມືຫຼັກແຫຼ່ງກ່ຽວກັບການປ້ອງກັນຊາດ, ປ້ອງກັນຄວາມສະຫງົບໃຫ້ຫຼາຍກ່ວາອີກ.