ທ່ານ Le Thanh Hai ເລຂາຄະນະພັກ ນະຄອນ ໂຮ່ຈິມີນ
|
(vovword)- ເນື່ອງໃນໂອກາດລະນຶກ 87 ປີ ແຫ່ງວັນສື່ມວນຊົນ ປະຕິວັດຫວຽດນາມ (21/6/1925 - 21/6/2012), ຕອນບ່າຍວັນທີ 19/6, ຄະນະຜູ້ແທນຄະນະພັກນະຄອນ ໂຮ່ຈິມີນ ໂດຍທ່ານ Le Thanh Hai ກຳມະການກົມການເມືອງ, ເລຂາຄະນະພັກ ນະຄອນ ໂຮ່ຈິມີນ ນຳຫນ້າ ໄດ້ໄປຢ້ຽມຢາມ ແລະ ອວຍພອນວິທະຍຸກະຈາຍສຽງຫວຽດນາມ ແລະ ໂທລະພາບ ຫວຽດນາມ. ນະທີ່ນີ້ ທ່ານ Le Thanh Hai ເນັ້ນຫນັກວ່າ: ການປະສານສົມທົບລະຫວ່າງຄະນະພັກນະຄອນ ໂຮ່ຈິມີນ ແລະ ວິທະຍຸກະຈາຍສຽງ ຫວຽດນາມ ຍາມໃດກໍໄດ້ຮັບການປະຕິບັດຢ່າງມີປະສິດທິຜົນ ພິເສດໃນຂົງເຂດຖະແຫລງຂ່າວກ່ຽວກັບການຈໍລະຈອນ. ທ່ານ Hai ອວຍພອນ ວິທະຍຸກະຈາຍສຽງ ຫວຽດນາມ ສືບຕໍ່ເສີມຂະຫຍາຍມູນເຊື້ອ, ຍາມໃດກໍແມ່ນອົງການກະຈາຍສຽງຕົ້ນຕໍຂອງທັງປະເທດ. ສ່ວນທ່ານ Nguyen Dang Tien ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຢືນຢັນ: ສືບຕໍ່ເສີມຂະຫຍາຍມູນເຊື້ອ, ວິທະຍຸກະຈາຍສຽງ ຫວຽດນາມ ແມ່ນອົງການສື່ມວນຊົນ ຕິດພັນຢ່າງໃກ້ຊິດກັບນະຄອນ ໂຮ່ຈິມີນ ໃນກິດຈະກຳສ້າງສາ ແລະ ພັດທະນານະຄອນ.
ເນື່ອງໃນໂອກາດນີ້, ຕອນບ່າຍວັນທີ 19/6, ອົງຄະນະພັກ ແລະ ສະຖານທູດ ຫວຽດນາມ ປະຈຳສະຫະພັນລັດເຊຍ, ພົບປະກັບບັນດານັກຂ່າວ, ຜູ້ຕາງຫນ້າຂອງອົງການວິທະຍຸກະຈາຍສຽງ ຫວຽດນາມ, ໂທລະພາບ, ຂ່າວສານ ຫວຽດນາມ ປະຈຳ ມົດສະກູ ແລະ ຜູ້ຕາງຫນ້າບັນດາຫນ້າແວບ, ຫນັງສືພິມຂອງວົງຄະນາຍາດ ຫວຽດນາມ ພວມຮຳ່ຮຽນ, ດຳເນີນທຸລະກິດ ຢູ່ ສະຫະພັນລັດເຊຍ. ກ່າວຄຳເຫັນນະທີ່ນີ້, ທ່ານ Pham Xuan Son ເອກອັກຄະລັດຖະທູດ ຫວຽດນາມ ປະຈຳ ລັດເຊຍ ໄດ້ຕີລາຄາສູງການເຄື່ອນໄຫວຂອງນັກຂ່າວວິທະຍຸກະຈາຍສຽງຫວຽດນາມ,ໂທລະພາບ ແລະ ຂ່າວສານ ຫວຽດນາມ ປະຈຳມົດສະກູ.