(vovworld) - ຕອນເຊົ້າວັນທີ 6/4, ຢູ່ ຮ່າໂນ້ຍ, ສະພາກາແດງ ຫວຽດນາມ ໄດ້ຈັດຕັ້ງພິທີລົງນາມໃນໂຄງການສົມທົບກັນເຄື່ອນໄຫວມະນຸດສະທຳໄລຍະ 2013 – 2018 ກັບ 9 ອົງການ, ໃນນັ້ນມີວິທະຍຸກະຈາຍສຽງ ຫວຽດນາມ, ເພື່ອແນໃສ່ຍູ້ແຮງການເຄື່ອນໄຫວມະນຸດສະທຳ, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກກ່ວາອີກ. ກ່າວຄຳເຫັນທີ່ພິທີ, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ເນັ້ນໜັກວ່າ: ມະນຸດສະທຳແມ່ນທາດແທ້, ແມ່ນມູນເຊື້ອອັນດີງາມຂອງຊາດ ຫວຽດນາມ, ໄດ້ຮັບການສືບທອດ, ຜັນຂະຫຍາຍໃນຕະຫຼອດປະຫວັດແຫ່ງການສ້າງສາ ແລະ ປົກປັກຮັກສາປະເທດຊາດ. ຍາມໃດພັກ, ລັດ ຫວຽດນາມ ຍົກສູງມູນເຊື້ອມະນຸກສະທຳ, ຊາບຊຶມແນວຄິດມະນຸດສະທຳເຂົ້າໃນກົດໝາຍ, ກົນໄກ, ນະໂຍບາຍ, ການເຄື່ອນໄຫວພົວພັນພາຍໃນ ແລະ ຕ່າງປະເທດຂອງຊາດ. ທ່ານປະທານປະເທດ ເຈືອງເຕີນຊາງ ເວົ້າວ່າ:
“ຂ້າພະເຈົ້າຕີລາຄາສູງການເຂົ້າຮ່ວມຂອງບັນດາຫົວໜ່ວຍໃນບັນດາໂຄງການລົງນາມຄືພວກເຮົາປະຕິບັດໃນມື້ນີ້. ສິ່ງດັ່ງກ່າວສະແດງໃຫ້ເຫັນຢ່າງຈະແຈ້ງຈິດໃຈ, ຄວາມຮັບຜິດຊອບສູງທີ່ມີຕໍ່ສັງຄົມ, ການຊ່ວຍເຫຼືອແທດຈິງບັນດາຜູ້ປະສົບກັບຄວາມຫຍຸ້ງຍາກເພື່ອໃຫ້ເຂົາເຈົ້າບື່ນຕົວຂຶ້ນໃນການດຳລົງຊີວິດ. ເນື່ອງໃນໂອກາດນີ້, ຂ້າພະເຈົ້າຮຽກຮ້ອງໃຫ້ບັນດາອົງການ, ບັນດາຜູ້ມີໃຈບຸນໃຈກຸສົນສືບຕໍ່ຍົກສູງຄວາມຮັກແພງມະນຸດ, ຕັ້ງໜ້າເຂົ້າຮ່ວມບັນດາການເຄື່ອນໄຫວຂອງສະພາກາແດງ, ຕອບສະໜອງບັ້ນຂົນຂວາຍ “ແຕ່ລະອົງການ, ແຕ່ລະສ່ວນບຸກຄົນ ຕິດພັນກັບຮາກຖານມະນຸດສະທຳແຫ່ງໜຶ່ງ”. ບັນດາອົງການພາຫະນະສື່ມວນຊົນຄວນໂຄສະນາເຜີຍແຜ່ກ່ຽວກັບຈຸດປະສົງ, ຄວາມໝາຍຂອງບັນດາວຽກງານກຸສົນ, ຍ້ອງຍໍຊົມເຊີຍບັນດາອົງການ, ສ່ວນບຸກຄົນເຂົ້າຮ່ວມຢ່າງຕັ້ງໜ້າ ແລະ ມີການປະກອບສ່ວນຢ່າງແທດຈິງໃນການເຄື່ອນໄຫວມະນຸດສະທຳ”