ພາບປະກອບ: internet
|
(vovworld) - ຕອນຄຳ່ວັນທີ 30/1, ຢູ່ ຮ່າໂນ້ຍ ໄດ້ໄຂ ງານບຸນດອກໄມ້ - ງານຕະຫລາດນັດບຸນເຕັດ(ໝາຍເຖິງບຸນປີໃຫມ່ປະຈຳຊາດ ຫວຽດນາມ) ແມ່ນເຊີດຊູໝູ່ບ້ານອາຊີບ ແລະ ຜະລິດຕະພັນກະເສດມີຄຸນນະພາບສູງ. ມີຮ້ານວາງສະແດງສິນຄ້າ ເກືອບ 200 ຮ້ານຈະເປີດປະຕູຮອດວັນທີ 5/2 ຊື່ງແນະນຳໃຫ້ຊາວນະຄອນຫລວງ ແລະ ນັກທ່ອງທ່ຽວກ່ຽວກັບຜະລິດຕະພັນກະເສດຫລາຍປະເພດ ແລະ ເຄື່ອງສິລະປະຫັດຖະກຳມີຄຸນນະພາບສູງ. ຈຸດພົ້ນເດັ່ນຂອງງານຕະຫລາດນັດແມ່ນພິທີແຫ່ສັນຍາລັກຮູບປາໄນທີ່ໃຫຍ່ໂຕ ແລະ ພາເຂົ້າ, ໝາກໄມ້ພິເສດ 12 ພາ ຈາກໝູ່ບ້ານປັ້ນດິນເຜົາ ບາດຈ່າງ ເຖິງໃຈກາງນະຄອນຫລວງຮ່າໂນ້ຍ ໃນວັນທີ 3/2/2013. ທ່ານ ໂຕຫາຍລອງ, ຜູ້ອຳນວຍການສູນຫນູນຊ່ວຍຊາວກະສິກອນນະຄອນ ຮ່າໂນ້ຍ, ສະມາຊິກໃນຄະນະຈັດຕັ້ງໃຫ້ຮູ້ວ່າ:
“ບັນດາຜະລິດຕະພັນຂອງໝູ່ບ້ານອາຊີບ ແລະ ຊາວກະສິກອນ ມີຈຸດວັດທະນະທຳມາແຕ່ດົນນານ, ພິເສດ ບັນດາຜະລິດຕະພັນຂອງໝູ່ບ້ານອາຊີບ. ປະຈຸບັນ, ບັນດາຜະລິດຕະພັນໄດ້ໝູນໃຊ້ຄວາມກ້າວຫນ້າວິທະຍາສາດເຕັກນິກ, ແຕ່ຍັງຄົງເຂັ້ມຂົ້ນໄປດ້ວຍສີສັນວັດທະນະທຳ. ຜ່ານນັ້ນ ແນະນຳໃຫ້ຜູ້ຊົມກ່ຽວກັບການອອກແຮງງານ ແລະ ຈິດໃຈຜ່ານຜ່າຄວາມຫຍຸ້ງຍາກຂອງຊາວກະສິກອນກໍຄືຄວາມງາມດ້ານວັດທະນະທຳຂອງຊາດ.”