(vovworld) – ຕອນຄໍ່າວັນທີ 17/10, ຢູ່ແຂວງ ສະກົນ ນະຄອນ, ເຊິ່ງເປັນແຂວງຕັ້ງສຳນັກງານສະມາຄົມຊາວຫວຽດນາມອາໄສຢູ່ໄທ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ, ຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຫວູຮົ່ງນາມ ໄດ້ມີການພົບປະກັບຜູ້ແທນຊາວຫວຽດນາມ ອາໄສຢູ່ໄທ ເກືອບ 1.000 ຄົນ. ຢູ່ທີ່ນີ້, ທ່ານ ຫວູຮົ່ງນາມ ຢືນຢັນວ່າ, ດ້ວຍຄວາມໄວ້ເນື້ອເຊື່ອໃຈດ້ານການເມືອງ ແລະ ການພົວພັນຄູ່ຮ່ວມມືຍຸດທະສາດຮອບດ້ານ ເຊິ່ງໄດ້ຮັບການສ້າງຕັ້ງແລ້ວ, ການພົວພັນລະຫວ່າງຫວຽດນາມ - ໄທ ມີພື້ນຖານຢ່າງໝັ້ນແກ່ນເພື່ອສືບຕໍ່ພັດທະນາຢ່າງແຮງ. ທ່ານເນັ້ນໜັກວ່າ, ເພື່ອຊຸກຍູ້ການພົວພັນລະຫວ່າງ 2 ປະເທດໃນໄລຍະຈະມາເຖິງກວ່າ, ປະຊາຄົມຊາວຫວຽດນາມ ອາໄສຢູ່ຕ່າງປະເທດເວົ້າລວມ ແລະ ພໍແມ່ປະຊາຊົນແຕ່ລະຄົນເວົ້າສະເພາະລ້ວນແຕ່ສວມບົດບາດສຳຄັນຍິ່ງ. ສະຫະສະມາຄົມຊາວຫວຽດນາມອາໄສຢູ່ໄທ ຈະສືບຕໍ່ເປັນບ່ອນເຕົ້າໂຮມ, ແມ່ນຂົວເຊື່ອມຕໍ່ໃຫ້ພໍ່ແມ່ປະຊາຊົນສາມັກຄີ, ພ້ອມກັນປະຕິບັດໜ້າທີ່ນັ້ນ.