ກຳລັງ IS
photo:internet
|
(vovworld)- ຍຸດທະສາດບຸກໂຈມຕີທາງອາກາດຕ້ານກຳລັງລັດອິດສະລາມ IS ພວມໄປຖືກທິດ ແລະ ນຳມາເຊິ່ງຜົນສຳເລັດໃນເບື້ອງຕົ້ນ. ນີ້ແມ່ນຄຳຖະແຫລງຊື່ງທ່ານ Josh Earnest ເລຂາການຂ່າວທຳນຽບຂາວ ຍົກອອກມາ, ໂດຍບໍ່ຫົວຊາຕໍ່ເລື່ອງ IS ພວມປິດລ້ອມ ແລະ ໃກ້ຈະຢືດຄອງສະຖານທີ່ຈຸດສຸມ 2 ແຫ່ງນັ້ນແມ່ນ ອີຣັກ ແລະ ຊີຣີ. ໃນການປະຊຸມຂ່າວດຳເນີນໄປໃນຕອນເຊົ້າວັນທີ 15/10, ທ່ານ Josh Earnest ເລຂາການຂ່າວທຳນຽບຂາວ ຢືນຢັນວ່າ ຍຸດທະສາດຕ້ານ IS ດ້ວຍບັນດາການບຸກໂຈມຕີທາງອາກາດພວມເສີມຂະຫຍາຍຢ່າງມີປະສິດທິຜົນ.
“ພວກເຮົາພຽງໃນຊຸມມື້ຕົົ້ນແຫ່ງການປະຕິບັດຍຸດທະສາດຕ້ານ IS ແຕ່ບັນດາພະຍານຫລັກຖານເບື້ອງຕົ້ນໄດ້ສະແດງໃຫ້ເຫັນວ່າ ຍຸດທະສາດນີ້ພວມປະສົບຜົນສຳເລັດ. ເລື່ອງນຳໃຊ້ກຳລັງແຮງດ້ານການທະຫານ ບັນລຸໄດ້ບັນດາຜົນງານລະອຽດ ຄືຍູ້ໃຫ້ບາດກ້າວເດີນຂອງ IS ຖອຍໄປ, ສະກັດກັັ້ນກຳລັງນີ້ປິດລ້ອມບັນດາຈຸດໝາຍມະນຸດສະທຳ ຫລື ເຮັດໃຫ້ຄວາມສາມາດບັນຊາ ແລະ ຄວບຄຸມຂອງ IS ຢູ່ ຊີຣີ. ບັນດາບັ້ນຮົບບຸກໂຈມຕີທາງອາກາດນີ້ ຈະບໍ່ສາມາດປ່ຽນແປງສະຖານະການໃນເວລາສັ້ນໆໄດ້. ນີ້ແມ່ນບັນຫາຍາວນານ.”
ໃນຂະນະນັ້ນ ກອງທັບ ອາເມລິກາ ພວມບຸກໂຈມຕີຢ່າງຮ້າຍແຮງ ໃສ່ບັນດາທີ່ຕັ້ງກອງກຳລັງ IS ຢູ່ Kobani ດ້ວຍການບຸກໂຈມຕີທາງອາກາດ 21 ຄັ້ງ ພຽງໃນວັນທີ14/10