(vovworld) - ຕອນບ່າຍວັນທີ 23 ສິງຫາ, ຢູ່ສຳນັກງານປະທານປະເທດ, ທ່ານນາງຮອງປະທານປະເທດຫວຽດນາມ ຫງວຽນທິຢວານ ໄດ້ໃຫ້ການຕ້ອນຮັບຄະນະຜູ້ຕາງໜ້າຜູ້ມີຄຸນງາມຄວາມດີແຂວງດົງທ໋າບ. ທີ່ການຕ້ອນຮັບ, ທ່ານນາງຮອງປະທານປະເທດ ຫງວຽນທິຢວານ ໄດ້ຮັບຟັງບັນດາຜູ້ຕາງໜ້າຜູ້ມີຄຸນງາມຄວາມດີແຂວງດົງທ໋າບ ສະແດງຄວາມຫວັງ, ປາດຖະໜາ, ລາຍງານບັນດາການປະກອບສ່ວນຂອງຜູ້ມີຄຸນງາມຄວາມດີແຂວງດົງທ໋າບ ໃນພາລະກິດສ້າງສາບ້ານເກີດເມືອງນອນ. ທ່ານນາງຮອງປະທານປະເທດ ຫງວຽນທິຢວານ ຮັບຮູ້ຜົນງານປະກອບສ່ວນຂອງຜູ້ມີຄຸນງາມຄວາມດີຕໍ່ການປະຕິວັດແຂວງດົງທ໋າບ ໃນພາລະກິດສ້າງສາ ແລະ ປົກປັກຮັກສາປະເທດຊາດ. ເນັ້ນໜັກເຖິງບົດບາດຂອງຜູ້ມີຄຸນງາມຄວາມດີທີ່ມີຕໍ່ວິວັດການກໍ່ສ້າງຊົນນະບົດໃໝ່ສຳລັບການພັດທະນາເສດຖະກິດສັງຄົມຢູ່ທ້ອງຖິ່ນ, ທ່ານນາງຮອງປະທານປະເທດ ຫງວຽນທິຢວານ ປາດຖະໜາວ່າ ບັນດາຜູ້ມີຄຸນງາມຄວາມດີແຂວງດົງທ໋າບ ສືບຕໍ່ເສີມຂະຫຍາຍຄຸນນະທາດການປະຕິວັດ, ອົງອາດກ້າຫານເພື່ອສ້າງສາບ້ານເກີດເມືອງນອນ, ປະເທດຊາດ ໃຫ້ນັບມື້ນັບສີວິໄລ, ຮັ່ງມີ ແລະ ສວຍງາມ. ທ່ານນາງຮອງປະທານປະເທດ ຫງວຽນທິຢວານ ສະເໜີໃຫ້ການນຳແຂວງດົງທ໋າບ ສືບຕໍ່ເອົາໃຈໃສ່, ເບ່ິງແຍງຊີວິດທາງດ້ານວັດຖຸ ແລະ ຈິດໃຈຂອງທະຫານເສຍອົງຄະ, ທະຫານເຈັບປ່ວຍ, ຄອບຄົວທີ່ມີນັກຮົບເສຍສະຫຼະຊີວິດເພື່ອຊາດ...