(vovworld) - ວັນທີ 17/11, ທ່ານນາຍົກລັດຖະມົນຕີ ຍີ່ປຸນ Shinzo Abe ພວມຢູ່ຢ້ຽມຢາມປະເທດ ລາວ, ໄດ້ເຈລະຈາກັບທ່ານນາຍົກລັດຖະມົນຕີ ລາວ ທອງສິງ ທຳມະວົງ. ສອງຝ່າຍເຫັນດີເປັນເອກະສັນສືບຕໍ່ປະຕິບັດລາຍການພົບປະແລກປ່ຽນລະຫວ່າງຊາວໜຸ່ມນັກສຶກສາ ຍີ່ປຸນ - ອາຊີຕາເວັນອອກສ່ຽງໃຕ້ໃນ 5 ປີຈະມາເຖິງ; ເປີດຫ້ອງການຕ່າງໜ້າຂອງອົງການສົ່ງເສີມການຄ້າສາກົນ ຍີ່ປຸນ ປະຈຳນະຄອນຫຼວງ ວຽງຈັນ ໃນເວລາໃກ້ໆນີ້; ສົມທົບ ແລະ ຮ່ວມມືຢ່າງແໜ້ນແຟ້ນໃນວຽກງານຈັດຕັ້ງການເຄື່ອນໄຫວ, ເຫດການຕ່າງເພື່ອສົ່ງເສີມການພົວພັນຮ່ວມມືລະຫວ່າງສອງປະເທດເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງ ລາວ ແລະ ຍີ່ປຸນ ໃນປີ 2015. ໃນວັນດຽວກັນ, ທ່ານນາຍົກລັດຖະມົນຕີ Shinzo Abe ມີການພົບປະກັບທ່ານປະທານປະເທດ ລາວ ຈູມມາລີ ໄຊຍະສອນ. ດ້ວຍການຢ້ຽມຢາມ ກຳປູເຈຍ ແລະ ລາວ, ທ່ານນາຍົກລັດຖະມົນຕີ Abe ໄດ້ສຳເລັດການຢ້ຽມຢາມ 10 ປະເທດສະມາຊິກ ອາຊຽນ ນັບແຕ່ເມື່ອທ່ານຮັບດຳລົງຕຳ່ແໜ່ງເມື່ອເດືອນ 12/2012.