ນາຍົກລັດຖະມົນຕີ ຝລັ່ງ Jean Marc Ayrautl ແລະ ທ່ານ ເຢືອງຈີຢູງ
|
(vovworld)- ວັນທີ 6/9, ເປັນຄັ້ງທຳອິດໃນປະຫວັດສາດງານຕະຫລາດນັດເອີລົບ Strasbourg, ທ່ານນາຍົກລັດຖະມົນຕີ ຝລັ່ງ Jean Marc Ayrautl ໄດ້ກ່າວຄຳເຫັນທີ່ພິທີໄຂ ແລະ ຕັດແຖບຜ້າເປີດສະຫລອງຮ້ານວາງສະແດງສິນຄ້າຂອງຫວຽດນາມ. ນະທີ່ນີ້ ທ່ານ ເຢືອງຈີຢູງ, ເອກອັກຄະລັດຖະທູດຫວຽດນາມປະຈຳ ຝລັ່ງ ໄດ້ສະແດງຄວາມເປັນກຽດຂອງຫວຽດນາມ ຊື່ງແມ່ນປະເທດເປັນແຂກຖືກເຊີນທີ່ງານຕະຫລາດນັດ ແລະ ເນັ້ນຫນັກວ່າ: ນີ້ແມ່ນສັນຍາລັກຂອງສາຍພົວພັນພິເສດ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະກັນລະຫວ່າງ ຫວຽດນາມ ແລະ ຝລັ່ງ. ຮ້ານວາງສະແດງສິນຄ້າຂອງຫວຽດນາມ ມີເນື້ອທ່ີ 400 ຕາລາງແມັດ, ລວມມີບັນດາປະເພດສິນຄ້າຄື: ເຄື່ອງສິລະປະຫັດຖະກຳ, ອາຫານການກິນ…. ທ່ານ Claude Feurer ຜູ້ອຳນວຍການໃຫຍ່ງານຕະຫລາດນັດໃຫ້ຮູ້ວ່າ:
“ແນວຄວາມຄິດຂອງພວກຂ້າພະເຈົ້າແມ່ນຢາກໃຫ້ບັນດາປະເທດເປັນແຂກຖືກເຊີນ ແນະນຳບັນດາຈຸດເດັ່ນ, ຈຸດທີ່ເປັນເອກະລັກສະເພາະຂອງປະເທດເຂົາເຈົ້າ. ຫວຽດນາມ ຍັງມີຫລາຍສິ່ງທີ່ຊາວ ຝລັ່ງ ແລະ ເອີລົບບໍ່ທັນຮູ້ຈັກເຖິງ, ຫວຽດນາມ ແມ່ນປະເທດມີບາດກ້າວພັດທະນາບຸກທະລຸຢູ່ ອາຊີ.”