(vovworld) - ຕອນບ່າຍວັນທີ 13/05, ຢູ່ສຳນັກງານສູນກາງພັກ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ໃຫ້ການຕ້ອນຮັບທ່ານ ຂານເຈິງ, ກຳມະການກົມການເມືອງ, ເລຂາຄະນະພັກນະຄອນຊຽງໄຮ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານເລຂາທິການໃຫຍ່ ຫງວຽນຟຸຈ້ອງປາດຖະໜາວ່າ, ຜ່ານການຢ້ຽມຢາມຂອງທ່ານ ຂານເຈິງ, ການພົວພັນລະຫວ່າງຊຽງໄຮ ກັບນະຄອນໂຮ່ຈິມິນ ແລະ ບັນດາທ້ອງຖິ່ນຂອງຫວຽດນາມຈະສືບຕໍ່ພັດທະນາຢ່າງຕັ້ງໜ້າ, ເຂົ້າສູ່ລວງເລິກກວ່າອີກ. ທ່ານເລຂາທິການໃຫຍ່ຢືນຢັນວ່າ, ຍາມໃດພັກ, ລັດ ແລະ ປະຊາຊົນຫວຽດນາມ ກໍຖືເປັນສຳຄັນການຮັກສາການພົວພັນຖານບ້ານໃກ້ເຮືອນຄຽງກັບຈີນ; ສະເໜີໃຫ້ 2 ຝ່າຍຜັນຂະຫຍາຍບັນດາຄວາມຮັບຮູ້ລວມລະຫວ່າງການນຳຂັ້ນສູງຂອງ 2 ພັກ, 2 ລັດ, ເພີ່ມທະວີການແລກປ່ຽນບົດຮຽນ, ຊຸກຍູ້ການຮ່ວມມືໃນທຸກຂົງເຂດ, ຮັກສາສັນຕິພາບ, ສະຖຽນລະພາບ, ມີດຕະພາບ ແລະ ທ່າອ່ຽງພັດທະນາປອດໄສຂອງການພົວພັນລະຫວ່າງ 2 ປະເທດ.
ສ່ວນທ່ານ ຂານເຈິງ ຢືນຢັນວ່າ ຍາມໃດພັກ, ລັດ ແລະ ປະຊາຊົນຈີນ ກໍຖືເປັນສຳຄັນ ແລະ ປາດຖະໜາຢາກພັດທະນາການພົວພັນຖານບ້ານໃກ້ເຮືອນຄຽງມິດຕະພາບ, ຄູ່ຮ່ວມມື ການຮ່ວມມືຍຸດທະສາດຮອບດ້ານກັບຫວຽດນາມ; ໃຫ້ຄຳໝັ້ນສັນຍາຈະຊຸກຍູ້ການພົວພັນຮ່ວມມືລະຫວ່າງຊຽງໄຮ ກັບທ້ອງຖິ່ນຕ່າງໆຂອງຫວຽດນາມ ໃຫ້ພັດທະນາຢ່າງແຮງ ແລະ ແທດຈິງກວ່າໃນໄລຍະຈະມາເຖິງ.