ນາຍົກລັດຖະມົນຕີຫງວຽນເຕີນຢູງ:ຍູ້ແຮງການເຊື່ອມໂຍງສາກົນຢ່າງຮອບດ້ານ
ກອງປະຊຸມຄົບຄະນະ, ຄະນະຊີ້ນຳແຫ່ງຊາດກ່ຽວກັບການເຊື່ອມໂຍງເຂົ້າກັບສາກົນປີ 2015
(ພາບ: dantri.com.vn)
|
(vovworld) - ໃນບົດສະຫຼຸບທີ່ກອງປະຊຸມຄົບຄະນະ, ຄະນະຊີ້ນຳແຫ່ງຊາດກ່ຽວກັບການເຊື່ອມໂຍງເຂົ້າກັບສາກົນປີ 2015, ທ່ານນາຍົກລັດຖະມົນຕີ ຫງວຽນເຕີນຢູງ, ຫົວໜ້າຄະນະຊີ້ນຳໄດ້ຮຽກຮ້ອງວ່າ: ໃນສະພາບໂລກາພິວັດ, ເຕັກໂນໂລຢີຂໍ້ມູນຂ່າວສານ, ການຄ້າເອເລກໂຕນິກໄດ້ຮັບການພັດທະນາຢ່າງແຮງ, ຄວນເປັນເຈົ້າການທ່ວງທັນທ່າອ່ຽງລວມ, ຍູ້ແຮງເຊື່ອມໂຍງເຂົ້າກັບສາກົນໃນທຸກຂົງເຂດຢ່າງຮອບດ້ານ. ທ່ານນາຍົກລັດຖະມົນຕີຮຽກຮ້ອງ ໃນປີ 2015, ບັນດາຄະນະຊີ້ນຳລະຫວ່າງຂະແໜງຕ້ອງຮີບເຮ່ັງຈັດຕັ້ງບຸກຄະລາກອນໃຫ້ສຳເລັດ, ບັນດາອົງການຊ່ວຍວຽກ ເພື່ອປະຕິບັດບົດບາດໜ້າທີ່ທີ່ໄດ້ຮັບມອບໝາຍ; ສ້າງ ແລະ ຮັບປະກັນການປະຕິບັດກົນໄກສົມທົບກັນຢ່າງແໜ້ນແຟ້ນ ແລະ ເປັນເອກະພາບກັບລະຫວ່າງບັນດາຄະນະຊີ້ນຳລະຫວ່າງຂະແໜງ, ອົງການຊ່ວຍວຽກຄະນະຊີ້ນຳແຫ່ງຊາດ ແລະ ບັນດາຄະນະຊີ້ນຳລະຫວ່າງຂະແໜງ, ອົງການສູນກາງ ແລະ ທ້ອງຖິ່ນໃນການຜັນຂະຫຍາຍບັນດາໜ້າທີ່ທີ່ໄດ້ຮັບມອບໝາຍ ກ່ຽວກັບການເຊື່ອມໂຍງເຂົ້າກັບສາກົນ. ທ່ານນາຍົກລັດຖະມົນຕີ ກໍ່ຊີ້ນຳຄະນະເຈລະຈາລັດຖະບານ ກ່ຽວກັບເສດຖະກິດ ແລະ ການຄ້າສາກົນ ສົມທົບກັບບັນດາອົງການທີ່ກ່ຽວຂ້ອງ ຍູ້ໄວຄວາມຄືບໜ້າໃນການເຈລະຈາບັນດາສັນຍາການຄ້າເສລີ FTA, ລວມທັງບັນດາສັນຍາຄື: ຫວຽດນາມ - EU, ຫວຽດນາມ - ສ.ເກົາຫຼີ, ຫວຽດນາມ - ສະຫະພັນເສດຖະກິດ ອາຊີ - ເອີລົບ, ຫວຽດນາມ - ສະຫະສະມາຄົມການຄ້າເສລີອາຊີ EFTA. ບັນດາກະຊວງ, ຂະແໜງການທີ່ກ່ຽວຂ້ອງເຂົ້າຮ່ວມກົນໄກຮ່ວມມືດ້ານເສດຖະກິດ ອາຊຽນ ຢ່າງຄົບຖ້ວນ ແລະ ເລິກເຊີ່ງກວ່າອີກ ຜ່ານບັນດາກອງປະຊຸມທຸກຂັ້ນເພື່ອແນໃສ່ມານະພະຍາຍາມປະຕິບັດຄາດໝາຍສ້າງຕັ້ງປະຊາຄົມເສດຖະກິດ ອາຊຽນ (AEC) ໃນທ້າຍປີ 2015.