(ພາບປະກອບ:ອິນເຕີເນັດ)
(vovworld) - ຕອນເຊົ້າວັນທີ 23/7, ຢູ່ຮ່າໂນ້ຍ, ຫ້ອງການການຄ້າ ແລະ ອຸດສາຫະກຳຫວຽດນາມ ໄດ້ສົມທົບກັບທະນາຄານໂລກ ປະຈຳຫວຽດນາມ ປະກາດບົດລາຍງານ “ການປ່ຽນແປງຄວາມຮູ້ສຶກກ່ຽວກັບລັກ ແລະ ຕະຫຼາດຂອງຊາວຫວຽດນາມ ປີ 2014” (CAMS 2014). ບົດລາຍງານນີ້ສ່ອງແສງຄວາມຮູ້ສຶກຂອງປະຊາຄົມວິສາຫະກິດຫວຽດນາມ ແລະ ບັນດາສ່ວນບຸກຄົນອື່ນໆທີ່ມາຈາກຫຼາຍພາກສ່ວນທີ່ແຕກຕ່າງກັນໃນພື້ນຖານເສດຖະກິດ ກ່ຽວກັບວິວັດການຫັນໄປສູ່ພື້ນຖານເສດຖະກິດຕະຫຼາດຢູ່ຫວຽດນາມ ໃນໄລຍະຜ່ານມາ. ທ່ານ ຫວູຕ໋ຽນໂລກ, ປະທານຫ້ອງການການຄ້າ ແລະ ອຸດສາຫະກຳຫວຽດນາມ, ຖືວ່າ:
“ໝາກພົນແຫ່ງການສຳຫຼວດ CAMS 2014 ໃຫ້ເຫັນວ່າ: ປະຊາຊົນຫວຽດນາມ ສ່ວນຫຼາຍສະໜັບສະໜູນຮູບແບບເສດຖະກິດຕະຫຼາດ, ແຕ່ປະຊາຊົນກໍເຫັນໄດ້ລະບົບເສດຖະກິດຕະຫຼາດບໍ່ທັນຄົບຖ້ວນ. ອັນໄດ້ພາໃຫ້ດ້ານທີ່ດີຂອງຕະຫຼາດບໍ່ໄດ້ຮັບການເສີມຂະຫຍາຍ, ດ້ານທີ່ຂາດຕົກພົກພ່ອງຂອງຕະຫຼາດໄດ້ຮັບການຄວບຄຸມ ແລະ ແກ້ໄຂຢ່າງຊັກຊ້າ. ໃນເງື່ອນໄຂນັ້ນ, ສະພາບຕົວຈິງໃຫ້ເຫັນວ່າ: ມາດຕະການພື້ນຖານບໍ່ແມ່ນການເພີ່ມທະວີບັນດາມາດຕະການແຊກແຊງຂອງລັດ, ແຕ່ຕົ້ນຕໍແມ່ນຍູ້ແຮງວິວັດການປະຕິຮູບ, ປັບປຸງລະບອບເສດຖະກິດຕະຫຼາດຫຼີກເວັ້ນສະພາບຕິດຂັດລະຫວ່າງ 2 ລະບົບເຄື່ອນໄຫວເສດຖະກິດ.”