(vovworld) - ຕອນບ່າຍວັນທີ 24/2, ຄະນະກຳມະການປະຊາຊົນແຂວງກວາງນິນ ໄດ້ຈັດການປະຊຸມຂ່າວປະກາດໝາກຜົນກອງປະຊຸມສົ່ງເສີມການລົງທຶນຢູ່ແຂວງກວາງນິນ ປີ 2012 ໃນວັນທີ 23 ແລະ 24/2. ຜູ້ແທນ 1.100 ຄົນ, ໃນນັ້ນມີ 500 ຄົນແມ່ນຜູ້ແທນຕ່າງປະເທດໄດ້ເຂົ້າຮ່ວມກອງປະຊຸມ, ແຂວງກວາງນິນ ໄດ້ມອບໃບຢັ້ງຢືນໃຫ້ແກ່ບັນດາໂຄງການທີ່ມີຍອດມູນຄ່າເງິນລົງທຶນກ່ວາ 270 ລ້ານUSD, ມີບົດບັນທຶກຊ່ວຍຈຳການຮ່ວມມືລະຫວ່າງແຂວງກວາງນິນ ກັບບັນດານັກລົງທຶນ ແລະ ບັນດາຄູ່ຮ່ວມມື 19 ສະບັບໄດ້ຮັບການລົງນາມ. ທ່ານ ດັ້ງຮູຍເຮົ້າ, ຮອງປະທານຄະນະກຳມະການປະຊາຊົນແຂວງ ກວາງນິນ ຢືນຢັນວ່າ: ກອງປະຊຸມໄດ້ປະສົມຜົນສຳເລັດຢ່າງຈົບງາມ. ທ່ານເວົ້າວ່າ:
“ກອງປະຊຸມໄດ້ຮັບການສະໜັບສະໜູນຂອງລັດຖະບານ ແລະ ບັນດາກະຊວງ, ຂະແໜງການສູນກາງ, ສະພາວິສາຫະກິດທັງພາຍໃນ ແລະ ຕ່າງປະເທດໄດ້ເອົາໃຈໃສ່ເຖິງແຂວງ ກວາງນິນ, ໜູນຊ່ວຍໃຫ້ແກ່ການເຄື່ອນໄຫວຕ່າງໆຂອງກອງປະຊຸມ. ນີແມ່ນແຫຼ່ງລະດົມກຳລັງໃຈອັນໃຫຍ່ຫຼວງເພື່ອໃຫ້ກອງປະຊຸມປະສົບຜົນສຳເລັດ. ປະຊາຊົນກວາງນິນສະໜັບສະໜູນກອງປະຊຸມຫຼາຍ”