ປະຊາຄົມສາກົນສົ່ງຄຳຢຶ້ຢາມຖາມຂ່າວ, ແບ່ງເບົາຄວາມເສົ້າສະຫຼົດໃຈ ແລະ ໜູນຊ່ວຍປະຊາຊົນ ຜູ້ຖືກຜົນເສຍຫາຍຈາກພະຍຸ Yagi
(VOVWORLD) - ພາຍຫຼັງຮູ້ຂ່າວວ່າ ພະຍຸ Yagi ພັດຖະຫຼົ່ມ ຫວຽດນາມ ແຕ່ວັນທີ 06 – 07 ກັນຍາ ແລະ ກໍ່ຜົນເສຍຫາຍຢ່າງໜັກໜ່ວງກ່ຽວກັບຊີວິດອິນຊີ, ຊັບສິນຂອງປະຊາຊົນ ຫວຽດນາມ, ວັນທີ 10 ກັນຍາ, ທ່ານລັດຖະມົນຕີການຕ່າງປະເທດ ເຊັກໂກ Jan Lipavsky, ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານລັດຖະມົນຕີ, ກະຊວງການຕ່າງປະເທດ ຫວຽດນາມ ບຸ່ຍແທັງເຊີນ.
 ພະອາຈານໃຫຍ່ ທິກມິງກວາງ ເຈົ້າອາວາດວັດ ເຟີດຕິກ (ພາບ:TTXVN) |
ວັນທີ 10 ກັນຍາ, ທ່ານປະທານາທິບໍດີ ເວເນຊູເອລາ Nicolas Maduro ກໍສະແດງຄວາມສາມັກຄີກັບລັດຖະບານ ແລະ ປະຊາຊົນ ຫວຽດນາມ ຕໍ່ຜົນເສຍຫາຍຢ່າງໜັກໜ່ວງທັງຊີວິດອິນຊີ ແລະ ຊັບສິນ ໂດຍພະຍຸ Yagi ກໍ່ຂຶ້ນ, ພ້ອມທັງສົ່ງຄຳແບ່ງເບົາຄວາມເສົ້າສະຫຼົດໃຈຢ່າງສຸດຊື້ງມາຍັງຄອບຄົວ ແລະ ຍາດຕິພີ່ນ້ອງຜູ້ປະສົບເຄາະຮ້າຍຈາກພະຍຸຄັ້ງປະຫວັດສາດນີ້. ເວເນຊູເອລາ ຈະສືບຕໍ່ຕິດຕາມສະພາບການຢ່າງໃກ້ຊິດ ແລະ ພ້ອມແລ້ວໜູນຊ່ວຍ ຫວຽດນາມ ຖ້າມີຄວາມຈຳເປັນ. ສື່ມວນຊົນ ເມັກຊີໂກ ກໍ່ໄດ້ອັບເດັດສະພາບການຂອງພະຍຸ Yagi.
ໃນວັນດຽວກັນ, ວັດ ເຟີດຕິກ ຢູ່ນະຄອນຫຼວງ ວຽງຈັນ ພ້ອມກັບຄະນະກຸສົນ ຂອງວັດ ໄດ້ຮຽກຮ້ອງຜູ້ໃຈບຸນໃຈກຸສົນເຂົ້າຮ່ວມການບໍລິຈາກຊ່ວຍເຫຼືອປະຊາຊົນຢູ່ບັນດາແຂວງ, ນະເຂດພາກເໜືອ ຫວຽດນາມ ກໍຄືບາງແຂວງພາກເໜືອຂອງ ລາວ ທີ່ຖືກຜົນກະທົບ. ຫົວໜ້າສະມາຄົມຊາວ ຫວຽດນາມ ອາໄສ ຢູ່ ສ.ເຊັກໂກ ກໍໄດ້ປຸກລະດົມການຊ່ວຍເຫຼືອຄອບຄົວ ຫວຽດນາມ ທີ່ປະສົບເຄາະຮ້າຍຈາກພະຍຸຄັ້ງນີ້.