ປະຕິບັດຂັ້ນຕອນແນະນຳບຸກຄະລາກອນຕອບສະໜອງຄວາມຮຽກຮ້ອງການຊີ້ນຳນຳພາປະເທດຊາດໃນໄລຍະພັດທະນາໃໝ່
(ທ່ານເລຂາທິການໃຫຍ່ ຫງວຽນຟຸຈ້ອງ)
(vovworld) – ປະຕິບັດຂັ້ນຕອນແນະນຳບຸກຄະລາກອນ ຕອບສະໜອງຄວາມຮຽກຮ້ອງການຊີ້ນຳນຳພາປະເທດຊາດໃນໄລຍະພັດທະນາໃໝ່ໃຫ້ເປັນຢ່າງດີ. ນີ້ແມ່ນ 1 ໃນຈຳນວນ 5 ໜ້າທີ່ຈຸດສຸມໃນປີ 2015 ເຊິ່ງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ມອບໃຫ້ຂະແໜງຈັດຕັ້ງ, ກໍ່ສ້າງພັກ ທີ່ກອງປະຊຸມພະນັກງານທົ່ວປະເທດ ກ່ຽວກັບວຽກງານກໍ່ສ້າງພັກ, ດຳເນີນໄປໃນຕອນເຊົ້າວັນທີ 29/01. ທ່ານເລຂາທິການໃຫຍ່ ຫງວຽນຟຸຈ້ອງ ເນັ້ນໜັກວ່າ, ໜ້າທີ່ທຳອິດຂອງຂະແໜງຈັດຕັ້ງ, ກໍ່ສ້າງພັກ ແມ່ນຊີ້ນຳການກະກຽມ ແລະ ຈັດຕັ້ງກອງປະຊຸມໃຫຍ່ທຸກຂັ້ນຂອງພັກ ຢ່າງມີໄຊ. ວຽກງານນີ້ຕ້ອງສືບຕໍ່ປ່ຽນໃໝ່ຕາມທິດແທດຈິງ, ມີປະສິດທິຜົນ, ເສີມຂະຫຍາຍລັກສະນະປະຊາທິປະໄຕ ໄປຄຽງຄູ່ກັບການຮັກສາຫຼັກການ, ກົດວິໄລ, ກົດລະບຽບຂອງພັກ, ຮັບປະກັນເພີ່ມທະວີຄວາມສາມັກຄີ. ໜ້າທີ່ທີ 2 ແມ່ນເປັນເສນາທິການ, ປັບປຸງບົດລາຍງານກ່ຽວກັບສະພາບການປະຕິບັດມະຕິຂອງກອງປະຊຸມໃຫຍ່ອາຍຸການ 2010 – 2015, ໝາກຜົນການປະຕິບັດມະຕິສູນກາງຄັ້ງທີ 4, ໂດຍສະເພາະແມ່ນບັນດາມາດຕະການແກ້ໄຂບາງບັນຫາຮີບດ່ວນກ່ຽວກັບການກໍ່ສ້າງພັກໃນປະຈຸບັນ; ປະຕິບັດຂັ້ນຕອນແນະນຳບຸຄະລາກອນ ເຂົ້າໃນຄະນະບໍລິຫານງານສູນກາງຊຸດທີ 12 ເປັນຢ່າງດີ, ຮັບປະກັນສ້າງຄະນະບໍລິຫານງານສູນກາງຊຸດທີ 12 ໃຫ້ມີຄຸນນະທາດ, ພູມປັນຍາ, ມີກຳລັງຄວາມສາມາດ, ຕອບສະໜອງຄວາມຮຽກຮ້ອງຊີ້ນຳນຳພາປະເທດຊາດໃນໄລຍະພັດທະນາໃໝ່.
ກ່ຽວກັບວຽກງານບຸກຄະລາກອນຄະນະພັກທຸກຂັ້ນ, ທ່ານເລຂາທິການໃຫຍ່ ຊີ້ແຈ້ງວ່າ, ວຽກງານບຸກຄະລາກອນຄະນະພັກ ຕ້ອງປະຕິບັດໃຫ້ຖືກຕາມຂໍ້ກຳນົດ, ກົດລະບຽບ; ປະຕິບັດພ້ອມກັບການກະກຽມບຸກຄະລາກອນການນຳສະພາປະຊາຊົນ, ຄະນະກຳມະການປະຊາຊົນທຸກຂັ້ນ ອາຍຸການ 2015 – 2021 ແລະ ບຸກຄະລາກອນການນຳຄະນະສະມາຊິກສະພາແຫ່ງຊາດຊຸດທີ 14 ຂອງແຂວງ, ນະຄອນ.