ປະທານປະເທດຕ້ອນຮັບສະມາຊິກສະພາສູງອາເມລິກາ
(vovworld) – ທີ່ການຕ້ອນຮັບສະມາຊິກສະພາສູງ ອາເມລິກາ ທ່ານ Bob Corker, ສະມາຊິກຂັ້ນສູງ, ກຳມາທິການການຕ່າງປະເທດສະພາສູງ ອາເມລິກາ ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ ໃນຕອນເຊົ້າວັນທີ 5/8, ທ່ານປະທານປະເທດ ເຈືອງເຕີນຊາງ ຢືນຢັນວ່າ: ຫວຽດນາມ ຖືການພົວພັນກັບ ອາເມລິກາ ເປັນສຳຄັນບົນຈິດໃຈຄູ່ຮ່ວມມືຮອບດ້ານທີ່ໄດ້ຮັບການລົງນາມ ແລະ ເນັ້ນໜັກເຖິງເລື່ອງຫັນບັນດາຂໍ້ຕົກລົງໃນທຸກໆຂົງເຂດເປັນລະອຽດ. ທ່ານປະທານປະເທດ ເຈືອງເຕີນຊາງ ໃຫ້ຄຳໝັ້ນສັນຍາ ຫວຽດນາມ ພ້ອມແລ້ວທີ່ຈະເປີດກ້ວາງການຮ່ວມມືດ້ານເສດຖະກິດ - ການຄ້າກັບ ອາເມລິກາ, ພ້ອມທັງແລກປ່ຽນຢ່າງກົງໄປກົງມາເພື່ອຫຼີກລ້ຽງບັນດາຮົ້ວກີດຂວາງດ້ານການຄ້າ ເພື່ອແນໃສ່ຊຸກຍູ້ວົງເງິນການຄ້າລະຫວ່າງ 2 ປະເທດຢ່າງແຮງ. ຫວຽດນາມ ກໍ່ຕັດສິນໃຈປະຕິບັດສຳເລັດສັນຍາຄູ່ຮ່ວມມືເສດຖະກິດຍຸດທະສາດຂ້າມປາຊີຟິກ (TPP) ແລະ ຫວັງວ່າດ້ວຍຄວາມແຕກຕ່າງກັນກ່ຽວກັບລະດັບການພັດທະນາ, ໃນການເຈລະຈາ ອາເມລິກາ ຈະສ້າງເງື່ອນໄຂເພື່ອໃຫ້ ຫວຽດນາມ ມີວິວັດທະນາການເໝາະສົມ. ທ່ານປະທານປະເທດ ກໍ່ສະເໜີໃຫ້ ອາເມລິກາ ລົບລ້າງຄຳສັ່ງຫ້າມຂາຍອາວຸດ ໃຫ້ຫວຽດນາມ, ພ້ອມທັງ ລົບລ້າງບັນດາຮົ້ວກີດຂວາງ, ເປີດປະຕູບັນດາວັດຖຸອຸປະກອນວິທະຍາສາດ, ເຕັກໂນໂລຢີສູງເພື່ອແນໃສ່ຊຸກຍູ້ການພັດທະນາຂອງ ຫວຽດນາມ.
ເມື່ອເຕື້ອງເຖິງບັນຫາທະເລຕາເວັນອອກ, ທ່ານສະມາຊິກສະພາສູງ Bob Corker ສະໜັບສະໜູນທັດສະນະແກ້ໄຂຄວາມເຄັ່ງຕຶງດ້ວຍບັນດາມາດຕະການສັນຕິພາບ ແລະ ເນັ້ນໜັກຄວາມສາມັກຄີເປັນເອກະພາບຂອງບັນດາປະເທດ ອາຊຽນ ໃນການແກ້ໄຂການຂັດແຍ້ງກັນບົນຈິດໃຈກົດໝາຍສາກົນ. ເນັ້ນໜັກເລື່ອງ 2 ປະເທດກະກຽມມຸ່ງໄປເຖິງການສະເຫຼີມສະຫຼອງ 20 ປີແຫ່ງວັນສ້າງຕັ້ງການພົວພັນທາງການທູດໃນປີ 2015, ທ່ານສະມາຊິກສະພາສູງ ຖືວ່າ: ສາຍພົວພັນ 2 ຝ່າຍນັບມື້ນັບດີງາມ ແລະ ເຊື່ອໝັ້ນວ່າ: 2 ປະເທດຈະມີການເຄື່ອນໄຫວແທດຈິງຫຼາຍຢ່າງເພື່ອສະເຫຼີມສະຫຼອງເຫດການສຳຄັນນີ້.