ທີ່ພິທີມອບລາງວັນ
(ພາບ: news.go.vn)
(vovworld) - ໃນຂອບເຂດກອງປະຊຸມການຳຮັກສາຄວາມປອດໄພດ້ານຂໍ້ມູນຂ່າວສານອາຊຽນຄັ້ງທີ 4, ຕອນຄໍ່າວັນທີ 4/12, ຢູ່ນະຄອນໂຮ່ຈິມິນ, ໄດ້ດຳເນີນພິທີມອບລາງວັນການນຳຮັກສາຄວາມປອດໄພດ້ານຂໍ້ມູນຂ່າວສານອາຊຽນທີ່ດີເດັ່ນປີ 2012. ນີ້ແມ່ນຄັ້ງທີ 4 ທີ່ລາງວັນນີຖືກຈັດ, ເພື່ອເຊີດຊູບັນດາການນຳຄຸ້ມຄອງຄວາມປອດໄພ, ຮັກສາຄວາມລັບຂໍ້ມູນຂ່າວສານຂອງພາກພື້ນອາຊີຕາເວັນອອກສ່ຽງໃຕ້. ປີ 2012 ນີ້, ລາງວັນດັ່ງກ່າວໄດ້ຮັບການເປີດກວ້າງກວ່ານັບທັງຂອບຂະໜາດ ແລະ ເນື້ອໃນ. ຄຽງຂ້າງການຕີລາຄາກ່ຽວກັບຄວາມສາມາດບົ່ມຊ້ອນດ້ານວິຊາສະເພາະຂອງການນຳຮັກສາຄວາມປອດໄພໃນບັນດາອົງການຈັດຕັ້ງວິສາຫະກິດ, ລ້າງວັນນີ້ຍັງເນັ້ນໜັກເຖິງບົດບາດນຳພາ, ວິໄສທັດຍຸດທະສາດ, ລັກສະນະທີ່ມີຫົວຄິດປະດິດສ້າງຂອງບັນດານັກຄຸ້ມຄອງຄວາມປອດໄພ, ຮັກສາຄວາມລັບດ້ານຂໍ້ມູນຂ່າວສານນຳມາເຊິ່ງປະສິດທິຜົນສູງສຸດໃນການເຄື່ອນໄຫວໃຫ້ແກ່ວິສາຫະກິດ ແລະ ສັງຄົມ. ເນື່ອງໃນໂອກາດນີ້, ຄະນະຈັດຕັ້ງໄດ້ມອບລາງວັນໃຫ້ແກ່ການນຳທີ່ດີເດັ່ນໃນຂົງເຂດນີ້ 10 ທ່ານ, ໃນນັ້ນມີທ່ານ ຫງວຽນຟຸ໋ກເຢືອງ, ຜູ້ອຳນວຍການສູນເຕັກໂນໂລຊີຂໍ້ມູນຂ່າວສານທະນາຄານ HD Bank ຂອງຫວຽດນາມ.