ມອບລາງວັນ ປະດິດຄິດສ້າງ ວິທະຍາສາດຫວຽດນາມ ແລະ ລາງວັນ WIPO ປີ 2011
ທ່ານ Nguyen Thien Nhan ຮອງນາຍົກລັດຖະມົນຕີຫວຽດນາມ
ມອບລາງວັນປະດິດຄິດສ້າງວິທະຍາສາດເຕັກໂນໂລຢີຫວຽດນາມ ປີ 2011
ໃຫ້ແກ່ ຫົວໜ່ວຍມີກິດຈະກຳດີເດັ່ນ
(ພາບ: TTXVN)
|
Vovworld- ຕອນຄ່ຳ ວັນທີ 15/5 ຢູ່ໂຮງລະຄອນໃຫຍ່ ຮ່າໂນ້ຍ, ກອງທຶນໜູນຊ່ວຍການປະດິດຄິດສ້າງເຕັກນິກຫວຽດນາມ VIFOTECT ໄດ້ຈັດພິທີມອບລາງວັນປະດິດຄິດສ້າງວິທະຍາສາດເຕັກໂນໂລຢີຫວຽດນາມ ແລະ ລາງວັນ WIPO, ລາງວັນຂັນຄຳ ຊັບສິນທາງປັນຍາຫວຽດນາມ ປີ 2011. ກ່າວຄຳເຫັນທີ່ພິທີ, ທ່ານ Nguyen Thien Nhan ຮອງນາຍົກລັດຖະມົນຕີຫວຽດນາມ ໄດ້ຍ້ອງຍໍຊົມເຊີຍບັນດາຜົນງານຊຶ່ງບັນດານັກວິທະຍາສາດ, ນັກປະດິດຄິດສ້າງດ້ານ ເຕັກນິກບັນລຸໄດ້ໃນປີ 2011 ແລະ ໃນ 17 ປີທີ່ຜ່ານມາ. ບັນດາກິດຈະກຳ ວິທະຍາສາດ ເຕັກໂນໂລຢີ ທີ່ໄດ້ຮັບລາງວັນ ໄດ້ເປັນການປະກອບສ່ວນຢັງຢືນ ການມີຫົວຄິດປະດິດສ້າງຂອງຖັນແຖວນັກ ວິທະຍາສາດ. ບົນຈິດໃຈດັ່ງກ່າວ, ທ່ານ Nguyen Thien Nhan ຮອງນາຍົກລັດຖະມົນຕີຫວຽດນາມໄດ້ຝາກຄວາມ ເຊື່ອໝັ້ນຕໍ່ບັນດານັກປະດິດຄິດສ້າງດ້ານເຕັກນິກຜູ້ອອກແຮງງານໃນທົ່ວປະເທດ, ທ່ານຢືນຢັນວ່າການ ປະດິດຄິດສ້າງ ຈະຕັດສິນການພັດທະນາຂອງປະເທດຊາດ. ປີນີ້, ຄະນະຈັດຕັ້ງມອບລາງວັນໃຫ້ແກ່ 38 ກິດຈະກຳ ຊຶ່ງລວມມີ 4 ລາງວັນທີ 1, 9 ລາງວັນທີ 2, 13 ລາງວັນທີ 3 ແລະ 12 ລາງວັນຊົມເຊີຍ ທີ່ຂຶ້ນກັບ 6 ຂົງເຂດຜະລິດ ກົນຈັກ-ອັດຕະໂນມັດ. ພ້ອມກັນນັ້ນ, ຄະນະຈັດຕັ້ງຍັງໄດ້ມອບວັນ ຂັນຄຳ ຊັບສິນທາງປັນຍາຫວຽດນາມ ປີ 2011 ໃຫ້ແກ່ 11 ວິສາຫະກິດທີ່ດີເດັ່ນ ໃນການນຳໃຊ້ລະບົບຊັບສິນທາງປັນຍາເຂົ້າໃນການຜະລິດ ແລະ ດຳເນີນທຸລະກິດ.