ລັດເຊຍສະແດງເຈດຕະນາດີສືບຕໍ່ເຈຈະລາກັບ ຢູແກຼນ
(VOVWORLD) -ວັນທີ 22 ພຶດສະພາ, ທ່ານ Vladimir Medinsky ຫົວໜ້າຄະນະເຈລະຈາລັດເຊຍ ໄດ້ປະກາດວ່າ ມົດສະກູ ພ້ອມແລ້ວທີ່ຈະສືບຕໍ່ເຊື່ອມຕໍ່ວິວັດການເຈລະຈາ, ແຕ່ຕ້ອງໄດ້ຮັບຄວາມເຫັນດີເປັນເອກະພາບຈາກຝ່າຍ Kiev.
ການເຈລະຈາລະຫວ່າງ ລັດເຊຍ ແລະ ຢູແກຼນ ຢູ່ເບລາຣຸດ (ພາບ: AFP/TTXVN) |
ໂດຍຕອບສຳພາດຕໍ່ຊ່ອງໂທລະພາບ Belarusion TV, ທ່ານ Medinsky ຊີ້ແຈ້ງວ່າ ການເຊື່ອມຕໍ່ການເຈລະຈາໃນປັດຈຸບັນ ແມ່ນຂຶ້ນກັບການຕັດສິນຈາກຝ່າຍ ຢູແກຼນ ແລະ ລັດເຊຍ ບໍ່ມີຍາມໃດປະຕິເສດການເຈລະຈາ.
ກ່ອນໜ້ານັ້ນ, ວັນທີ 6 ພຶດສະພາ, ທ່ານໂຄສົກກະຊວງການຕ່າງປະເທດ ລັດເຊຍ Alexei Zaisev ໃຫ້ຮູ້ວ່າ ວິວັດການເຈລະຈາ ລະຫວ່າງ ລັດເຊຍ ແລະ ຢູແກຼນ ພວມຖືກຢຸດສະຫງັກ. ທ່ານເນັ້ນໜັກວ່າ ບັນດາປະເທດສະມາຊິກຂອງ ອົງການສົນທິສັນຍາ ອັດລັງຕິກເໜືອ (NATO) ໄດ້ປະກາດ ສະໜັບສະໜູນຢຸດຕິການປະທະກັນໂດຍໄວ, ແຕ່ພວມເຮັດທຸກຢ່າງເພື່ອເຮັດໃຫ້ການປະຕິບັດຄວາມມຸ່ງຫວັງດັ່ງກ່າວບໍ່ປະກົດຜົນເປັນຈິງ ດ້ວຍການເພີ່ມທະວີການສະໜອງອາວຸດໃຫ້ແກ່ ຢູແກຼນ.