ຕອນເຊົ້າວັນທີ 18/12 ທ່ານປະທານປະເທດຫວຽດນາມ ເຈືອງເຕີນຊາງ ໄດ້ເຂົ້າຮ່ວມລາຍການກຽດສະຫງ່າຫວຽດນາມ ຄັ້ງທີ 9 ຖືກໄຂຂຶ້ນຢູ່ ໂຮງລະຄອນໃຫຍ່ ຮ່າໂນ້ຍ. ນີ້ແມ່ນເຫດການວັດທະນະທຳ ການເມືອງ ພິເສດ ຊຶ່ງໄດ້ຮັບການຈັດຕັ້ງຂຶ້ນປະຈຳປີ, ເພື່ອແນໃສ່ເຊີດຊູບັນດາໝູ່ຄະນະ, ສ່ວນບຸກຄົນວິລະຊົນແຮງງານ, ວິລະຊົນກຳລັງປະກອບອາວຸດ, ແບບຢ່າງດີເດັ່ນ, ມີຜົນງານດີເດັ່ນພິເສດໃນຂະບວນການແຂ່ງຂັນຮັກຊາດ, ສ້າງສາ ແລະ ປົກປັກຮັກສາປະເທດຊາດ. ກ່າວຄຳເຫັນທີ່ພິທີໄຂ, ທ່ານ ດັ້ງງອກຕູ່ງ, ກຳມະການສູນກາງພັກ, ປະທານສະຫະພັນແຮງງານຫວຽດນາມ, ຮອງປະທານສະພາແຂ່ງຂັນ ແລະ ຍ້ອງຍໍ ສູນກາງຖືວ່າ:
“ລາຍການກຽດສະຫງ່າຫວຽດນາມ ໄດ້ດຶງດູດຄວາມສົນໃຈຈາກປະຊາຊົນໃນທົ່ວປະເທດເປັນຈຳນວນຫລວງຫລາຍ, ນຳມາຊຶ່ງຜົນກະທົບອັນຕັ້ງຫນ້າ ແລະ ຄວາມປະທັບໃຈດີງາມກັບສັງຄົມ. ໃນຕະຫລອດໄລຍະ 8 ປີຜ່ານມາ, ລາຍການດັ່ງກ່າວໄດ້ກາຍເປັນເຫດການວັດທະນະທຳການເມືອງພິເສດ ແລະ ໄດ້ຮັບການຈັດຕັ້ງຂຶ້ນປະຈຳປີ, ກາຍເປັນວັນບຸນເຊີດຊູໝູ່ຄະນະ, ສ່ວນບຸກຄົນວິລະຊົນແຮງງານ, ວິລະຊົນກຳລັງປະກອບອາວຸດ, ແບບຢ່າງດີເດັ່ນ ມີຜົນງານໃນການຂະບວນການຮັກຊາດ, ສ້າງສາ ແລະ ປົກປັກຮັກສາປະເທດຊາດ.“
ທີ່ພິທີ, ຄະນະຈັດຕັ້ງໄດ້ເຊີດຊູ 21 ໝູ່ຄະນະ ແລະ ສ່ວນບຸກຄົນດີເດັ່ນ.