ວັນບຸນ “ລ້ານຫົວໃຈ ມຸ່ງໄປສູ່ທະເລໝູ່ເກາະຂອງບ້ານເກີດ ເມືອງນອນ“
(ລ້ານຫົວໃຈມຸ່ງໄປສູ່ທະເລໝູ່ເກາະຂອງບ້ານເກີດເມືອງນອນ)
(vovworld) - ວັນທີ 14/6, ສະຫະພັນຊາວໜຸ່ມຫວຽດນາມນະຄອນໂຮ່ຈີມິນ ໄດ້ປຸລະດົມບັ້ນເຄື່ອນໄຫວ ດ້ວຍຫົວຂໍ້ວ່າ “ລ້ານຫົວໃຈມຸ່ງໄປສູ່ທະເລໝູ່ເກາະຂອງບ້ານເກີດເມືອງນອນ“. ວັນບຸນໄດ້ດຶງດູດຊາວໜຸ່ມເຂົ້າຮ່ວມເກືອບ 5000 ຄົນ.
ວັນບຸນ “ລ້ານຫົວໃຈມຸ່ງໄປສູ່ທະເລໝູ່ເກາະຂອງບ້ານເກີດເມືອງນອນ“ ໄດ້ດຳເນີນການເຄື່ອນໄຫວທີ່ມີຄວາມໝາຍຫຼາຍຢ່າງຄື: ສົ່ງຂໍ້ຄວາມສະໜັບສະໜູນລາຍການ “ຮ່ວມແຮງຮ່ວມໃຈເພື່ອທະເລໝູ່ເກາະຂອງບ້ານເກີດເມືອງນອນ“, ງານວາງສະແດງຮູບຖ່າຍແຜນທີ່ 93 ແຜ່ນດ້ວຍຫົວເລື່ອງ “ປະເທດຊາດສັງເກດຈາກທະເລ“ ການເສັງຊອກຮູ້ກ່ຽວກັບໝູ່ເກາະ, ທະເລຫວຽດນາມ…
ວັນບຸນ “ລ້ານຫົວໃຈມຸ່ງໄປສູ່ທະເລໝູ່ເກາະຂອງບ້ານເກີດເມືອງນອນ“ ແມ່ນການເຄື່ອນໄຫວລະອຽດເພື່ອປຸກລຸກນຳ້ໃຈຮັກຊາດຂອງບັນດາເພື່ອນໜຸ່ມ, ແມ່ນໂອກາດເພື່ອໃຫ້ຊາວໜຸ່ມນະຄອນເສີມຂະຫຍາຍບົດບາດ, ປະກອບສ່ວນພ້ອມກັບທົ່ວປະເທດເຂົ້າຮ່ວມການປົກປັກຮັກສາອະທິປະໄຕທະເລໝູ່ເກາະຂອງປະເທດຊາດ. ການເຄື່ອນໄຫວນີ້ກໍ່ເພື່ອແນໃສ່ຍົກສູງຄວາມຮູ້ໃຫ້ຊາວໜຸ່ມ ແລະ ປະຊາຊົນນະຄອນ ກ່ຽວກັບແຜນນະໂຍບາຍ, ນະໂຍບາຍຂອງພັກ ແລະ ລັດກ່ຽວກັບການປົກປັກຮັກສາອະທິປະໄຕທະເລໝູ່ເກາະ ແລະ ຜືນແຜ່ນດິນອັນຄົບຖ້ວນຂອງປະເທດຊາດ.
ໂອກາດນີ້, ໜັງສືພິມ ຕວຍເຈ (ໄວໜຸ່ມ) ກໍ່ໄດ້ມອບທຶນສຶກສາ 350 ພູດໃຫ້ລູກຫຼານພະນັກງານ, ນັກຮົບຕຳຫຼວດທະເລ, ກົມກວດກາການປະມົງ, ຊາວປະມົງບັນດາແຂວງພາກກາງ ແລະ ມອບເງິນ 100 ລ້ານດົ່ງໃຫ້ກຳລັງກວດກາການປະມົງທີ່ພວມປະຕິບັດໜ້າທີ່ໃນເຂດທະເລຂອງປະເທດຊາດ