(vovworld) - ຕອນຄໍ່າວັນທີ 26/11, ຢູ່ນະຄອນຫຼວງວຽງຈັນ, ບໍລິລັດ Star Telecom - Unitel (ບໍລິສັດຮ່ວມທຸລະກິດລະຫວ່າງ ລາວ Asia Telecom ແລະ ກຸ່ມບໍລິສັດໂທລະຄົມກອງທັບ Viettel) ຈັດຕັ້ງການປະຊຸມຂ່າວກ່ຽວກັບເລື່ອງ Unitel ຍາດໄດ້ລາງວັນໂຄທລະຄົມໂລກ (WCA 2012). ນີ້ແມ່ນໜຶ່ງໃນບັນດາລາງວັນໂທລະຄົມມະນາຄົມທີ່ມີອິດທິພົນຊື່ສຽງທີ່ສຸດຢູ່ໃນໂລກ ໂດຍວາລະສານ Total Telecom (ອັງກິດ) ເປັນຜູ້ລິເລີ່ມ ແລະ ຈັດຕັ້ງນັບແຕ່ປີ 1999. ທ່ານ ທັນສະໄໝ ກົມມະສິດ ຮອງລັດຖະມົນຕີກະຊວງໄປສະນີໂທລະຄົມມະນາຄົມ ແລະ ການສື່ສານລາວ ໃຫ້ຮູ້ວ່າ ນີ້ເປັນຄັ້ງທຳອິດທີ່ຜູ້ຕາງໜ້າຂອງຂະແໜງໂທລະຄົມມະນາຄົມລາວ ໄດ້ຮັບລາງວັນສາກົນ ທີ່ມີຄຸນຄ່ານີ້. ເພື່ອບັນລຸໄດ້ໝາກຜົນດັ່ງກ່າວ, ໃນ 3 ປີຜ່ານມາ ນັບແຕ່ວັນເປີດສະໜອງ, ບໍລິສັດ Unitel ໄດ້ອອກແຮງງານຢ່າງມີຫົວຄິດປະດິດສ້າງ, ຍົກສູງຄວາມສາມັກຄີແບບພິເສດລະຫວ່າງລາວ - ຫວຽດນາມ, ແກ້ໄຂທຸກຄວາມຫຍຸ້ງຍາກ ແລະ ສູ້ຊົນກ້າວຂຶ້ນ, ຢັ້ງຢືນທີ່ຕັ້ງແມ່ນເຄືອຂ່າຍໃຫຍ່ອັນດັບໜຶ່ງຢູ່ລາວ ດ້ວຍ 44% ອັດຕາສ່ວນຕະຫຼາດໂທລະສັບມືຖື, ລາຍຮັບຂອງປີ 2012 ຄາດວ່າບັນລຸລະດັບເກືອບ 160 ລ້ານ USD ແລະ ລະດັບເຕີບໂຕຂຶ້ນເຖິງ 40 – 50%.