ພາບປະກອບ
|
(vovworld) – ວັນທີ 22/2, ທ່ານເລຂາທິການໃຫຍ່ ສປຊ Ban Ki – moon ໄດ້ຖະແຫຼງຊົມເຊີຍເລື່ອງທ່ານລັດຖະມົນຕີວ່າການກະຊວງການຕ່າງປະເທດ ອາເມລິກາ John Kerry ແລະ ລັດຖະມົນຕີວ່າການກະຊວງການຕ່າງປະເທດ ລັດເຊຍ Sergei Lavrov ບັນລຸໄດ້ຂໍ້ຕົກລົງຊົ່ວຄາວກ່ຽວກັບບັນດາຂໍ້ມາດຕາໃຫ້ແກ່ຄຳສັ່ງຢຸດຍິງ, ເຊິ່ງຄາດວ່າຈະມີຜົນສັກສິດຢູ່ ຊີຣີ ພາຍຫຼັງທ່ຽງຄືນວັນທີ 26/2. ໃນຖະແຫຼງການ, ທ່ານ Ban Ki – moon ສະແດງຄວາມເຊື່ອໝັ້ນວ່າ: ຖ້າຫາກໄດ້ຮັບຄວາມເຄົາລົບ, ຂໍ້ຕົກລົງຢຸດຍິງຈະຊຸກຍູ້ເລ່ືອງປະຕິບັດມະຕິເລກທີ 2254 (ປີ 2015) ຂອງສະພາຄວາມໝັ້ນຄົງ ສປຊ ພໍສົມຄວນ, ຕາມນັ້ນແລ້ວ, ສປຊ ອາດຈະສວມບົດບາດຕັ້ງໜ້າກ່ວາເພື່ອແນໃສ່ຊຸກຍູ້ບັນດາຝ່າຍຢູ່ ຊີຣີ ເຂົ້າຮ່ວມການເຈລະຈາກ່ຽວກັບບັນດາບັນຫາຄື: ເລື່ອງຂ້າມຜ່ານດ້ານການເມືອງ, ເວລາປະຕິບັດຄຳສັ່ງຢຸດຍິງ, ການຮຽບຮຽງລັດຖະທຳມະນູນສະບັບໃໝ່ ແລະ ການປະຕິບັດການເລືອກຕັ້ງ. ທ່ານເລຂາທິການໃຫຍ່ ສປຊ ເນັ້ນໜັກວ່າ: ຂໍ້ຕົກລົງຂອງ ລັດເຊຍ ແລະ ອາເມລິກາ, ເຊິ່ງແມ່ນ 2 ປະເທດພ້ອມກັນຮັບຜິດຊອບກຸ່ມສາກົນໜູນຊ່ວຍ ຊີຣີ (ISSG), ໄດ້ສະແດງຄວາມຕັດສິນໃຈຂອງ ISSG ໃນການກໍ່ຜົນສະທ້ອນເຖິງບັນດາຝ່າຍເຂົ້າຮ່ວມ ເພື່ອຫລຸດຜ່ອນສະພາບການໃຊ້ຄວາມຮຸນແຮງໃນທັນທີ - ເຊິ່ງແມ່ນບາດກ້າວທຳອິດທີ່ມຸ່ງໄປເຖິງຄຳສັ່ງຢຸດຍິງທີ່ຍາວນານກ່ວາ”. ຂໍ້ຕົກລົງນີ້ຊ່ວຍສ້າງສະພາບແວດລ້ອມທີ່ສະດວກໃຫ້ແກ່ການເຊື່ອມຕໍ່ບັນດາການເຈລະຈາດ້ານການເມືອງຄືນໃໝ່.