ນະຄອນບວນມາທວດ (ດັກລັກ)
|
(vovworld) – ຕອນເຊົ້າວັນທີ 4/3, ທີ່ນະຄອນບວນມາທວດ (ດັກລັກ), ຜູ້ປະຈຳການຄະນະຊີ້ນຳເຂດໄຕງວຽນ ໄດ້ມີການເຮັດວຽກກັບບາງອົງການສື່ມວນຊົນສູນກາງໃນບໍລິເວນເຂດ ໄຕງວຽນ ແລະ ແຂວງ ດັກລັກ, ເພື່ອໃຫ້ຂ່າວກ່ຽວກັບເນື້ອໃນບັນດາການເຄື່ອນໄຫວພົບປະສ້າງສັນ, ຍ້ອງຍໍ, ລະດົມກຳລັງໃຈບັນດາຜູ້ທີ່ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າ, ຜູ້ມີຍົດຖາບັນດາສັກທີ່ດີເດັ່ນໃນເຂດ ໄຕງວຽນ. ນີ້ແມ່ນການເຄື່ອນໄຫວໃນບັນດາເຫດການສະເຫຼີມສະຫຼອງ 40 ປີແຫ່ງວັນໄຊຊະນະ ບວນມາທວດ, ປົດປ່ອຍແຂວງດັກລັກ, ງານບຸນກາເຟ ບວນມາທວດ ຄັ້ງທີ 5. ຕາມທ່ານຮອງຄະນະປະຈຳຄະນະຊີ້ນຳເຂດ ໄຕງວຽນ ເຈິນຫວຽດຮຸ່ງ ແລ້ວ, ວັນທີ 9/3, ຄະນະຊີ້ນຳເຂດ ໄຕງວຽນ ຈະຈັດຕັ້ງງານພົບປະສ້າງສັນກັບຜູ້ແທນກ່ວາ 100 ຄົນ; ໃນນັ້ນ, ມີ 58 ຄົນແມ່ນຜູ້ທີ່ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າຄື: ບານາ, ເອເດ, ກຮໍ… ແລະ ມີ 43 ຄົນ ແມ່ນຜູ້ທີ່ມີຍົດຖາບັນດາສັກໃນເຂດ ໄຕງວຽນ. ງານພົບປະສ້າງສັນຄັ້ງນີ້ ເພື່ອແນໃສ່ເຊີດຊູ, ຍ້ອງຍໍ, ລະດົມກຳລັງໃຈບັນດາຜູ້ທີ່ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າ, ຜູ້ມີຍົດຖາບັນດາສັກທີ່ດີເດັ່ນ, ເຊິ່ງໄດ້ມີການປະກອບສ່ວນຫຼາຍຢ່າງໃຫ້ພາລະກິດພັດທະນາເສດຖະກິດ-ສັງຄົມ, ຮັບປະກັນການປ້ອງກັນຊາດ ປ້ອງກັນຄວາມສະຫງົບໃນເຂດ ໄຕງວຽນ.