ສະພາຕໍ່າອາເມລິກາ ຄັດຄ້ານການທົດລອງ ນິວເຄຼຍຂອງ ສປປ.ເກົາຫຼີ
(ພາບ: world.kbs.co.kr)
(vovworld) - ດ້ວຍອັດຕາ 412 ບັດເຫັນດີ ແລະ 2 ບັດຄັດຄ້ານ, ວັນທີ 15/02, ສະພາຕໍ່າອາເມລິຫາ ໄດ້ຮັບຮອງເອົາມະຕິກ່າວປະນາມການທົດລອງນິວເຄຼຍຫວ່າງມໍ່ໆມານີ້ຂອງ ສປປ.ເກົາຫຼີ, ພ້ອມທັງຮຽກຮ້ອງໃຫ້ຮັດແໜ້ນການລົງໂທດແນໃສ່ພຽງຢາງ. ມະຕິດັ່ງກ່າວໄດ້ຖືວ່າ “ການນາບຂູ່ທີ່ຮ້າຍແຮງເຊິ່ງບັນດາໂຄງການລູກສອນໄຟ ແລະ ອາວຸດນິວເຄຼຍຂອງສປປ.ເກົາຫຼີ ທີ່ອາດຈະກໍ່ຂຶ້ນຕໍ່ຄວາມປອດໄພຂອງປະຊາຊົນອາເມລິຫາ, ແມ່ນອີ່ງໃສ່ຄວາມອາດສາມາດຂອງບັນດາປະເພດອາວຸດນີ້ສາມາດຍິງເຖິງເຂດດິນແດນອາເມລິກາ”. ນອກຈາກນັ້ນ, ມະຕິຍັງຢືນຢັນຄືນໃໝ່ຄຳໝັ້ນສັນຍາຂອງ ວໍຊິງເຕັນ ທີ່ມີຕໍ່ປະເທດພັນທະມິດຍີ່ປຸ່ນ ແລະ ສ.ເກົາຫຼີ, ພ້ອມທັບຮຽກຮ້ອງໃຫ້ຈີນ ກໍ່ຄວາມກົດດັນເພື່ອໃຫ້ການນຳພຽງຢາງ ປະລະບັນດາໂຄງການນິວເຄຼຍ ແລະ ລູກສອນໄຟ, ເພື່ອແລກປ່ຽນບ້ວງເງິນອຸປະຖຳສຳຄັນກ່ຽວກັບເສດຖະກິດ ແລະ ການຄ້າ. ແລະ ກໍໃນວັນດຽວກັນ, ລັດຖະບານອາເມລິກາ ໄດ້ຮຽກຮ້ອງໃຫ້ ສປປ.ເກົາຫຼີ ຈົ່ງລະງັບບັນດາການເຄື່ອນໄຫວເກາະຜິດ ພາຍຫຼັງມີບັນດາຂໍ້ມູນຂ່າວສານຖືວ່າ ພຽງຢາງ ຄາດຄະເນວ່າຈະດຳເນີນການທົດລອງນິວເຄຼຍ ເປັນຫຼາຍຄັ້ງອີກ.