(VOVWORLD) - ຕອນບ່າຍວັນທີ 22 ມິຖຸນາ, ຢູ່ຫໍສະພາແຫ່ງຊາດ, ໃນຂອບເຂດກອງປະຊຸມສະໄໝສາມັນຄັ້ງທີ 5 ສະພາແຫ່ງຊາດຊຸດທີ XV, ບັນດາສະມາຊິກໄດ້ລົງປະຊາມະຕິຮັບຮອງເອົາການປັບປຸງແຜນການກອງປະຊຸມ.
 ກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຊຸດທີ XV (ພາບ: quochoi.vn) |
ຕາມນັ້ນແລ້ວ, ສະພາແຫ່ງຊາດໄດ້ເພີ່ມເຕີມເນື້ອໃນໃຫ້ສັດຕະຍາບັນແຕ່ງຕັ້ງປະທານສານປະຊາຊົນສູງສຸດໃນແຜນການກອງປະຊຸມຄັ້ງທີ 5, ພ້ອມທັງປັບປຸງແຜນການກອງປະຊຸມ. ເນື້ອໃນພິຈາລະນາ ປະຕິບັດວຽກງານແຕ່ງຕັ້ງບຸກຄະລາກອນຈະດຳເນີນໃນວັນທີ 24 ມິຖຸນາ, ມື້ເຮັດວຽກສຸດທ້າຍຂອງກອງປະຊຸມ.
ໃນຕອນບ່າຍວັນນີ້, ສະພາແຫ່ງຊາດໄດ້ຮັບຮອງເອົາມະຕິວ່າດ້ວຍການສ້າງຕັ້ງຄະນະຕິດຕາມກວດກາ ຫົວຂໍ້ “ການປະຕິບັດນະໂຍບາຍ, ກົດໝາຍວ່າດ້ວຍການຄຸ້ມຄອງຕະຫຼາດອະສັງຫາລິມະສັບ ແລະ ການພັດທະນາເຮືອນຢູ່ສັງຄົມນັບແຕ່ປີ 2015 ຫາປີ 2023”, ຮັບຮອງເອົາກົດໝາຍສະບັບປັບປຸງ ແລະ ເພີ່ມເຕີມບາງຂໍ້ກຳນົດຂອງກົດໝາຍວ່າດ້ວຍຕຳຫຼວດປະຊາຊົນ.
ກ່ອນໜ້ານັ້ນ, ບັນດາສະມາຊິກສະພາແຫ່ງຊາດ ໄດ້ລົງປະຊາມະຕິຮັບຮອງເອົາມະຕິກ່ຽວກັບການແຈກຢາຍທຶນໂຄງການຟື້ນຟູ ແລະ ພັດທະນາເສດຖະກິດ ສັງຄົມ, ປຶກສາຫາລືກ່ຽວກັບຮ່າງກົດໝາຍວ່າດ້ວຍໂທລະຄົມມະນາຄົມ (ສະບັບປັບປຸງ).