ຕອນເຊົ້າວັນທີ 23 ຕຸລາ, ບັນດາສະມາຊິກສະພາແຫ່ງຊາດເຂົ້າຮ່ວມກອງປະຊຸມສະໄໝສາມັນເທື່ອທີ 10, ສະພາແຫ່ງຊາດຊຸດທີ 14 ໄດ້ຮັບຟັງໃບສະເໜີກ່ຽວກັບຮ່າງກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການປ້ອງກັນ, ຕ້ານເຊື້ອ HIV/AIDS ແລະ ປຶກສາຫາລືທາງອອນລາຍກ່ຽວກັບຮ່າງກົດໝາຍສະບັບດັ່ງກ່າວ.

        ບັນດາສະມາຊິກສະພາແຫ່ງຊາດໄດ້ເຫັນດີໂດຍຖືວ່າ, ກົດໝາຍວ່າດ້ວຍການປ້ອງກັນ, ຕ້ານ HIV/AIDS ປີ 2006 ໄດ້ເຜີຍໃຫ້ເຫັນສິ່ງຄົງຄ້າງ, ຂາດຕົກບົກຜ່ອງ, ສະນັ້ນເລື່ອງປັບປຸງກົດໝາຍແມ່ນມີຄວາມຈຳເປັນ. ທ່ານ ຫງວຽນວັນຮ່ວາ, ສະມາຊິກສະພາແຫ່ງຊາດ, ຄະນະສະມາຊິກສະພາແຫ່ງຊາດແຂວງ ດົ່ງທາບ, ຍົກອອກຄຳເຫັນວ່າ.

        “ມີບາງຂໍ້ກຳນົດທີ່ກ່ຽວຂ້ອງເຖິງເປົ້າໝາຍສຳພັດຂໍ້ມູນຂ່າວສານຂອງຜູ້ຕິດພະຍາດຍັງບໍ່ທັນມີໃນກົດໝາຍຢູ່ ແລະ ຍັງບໍ່ທັນມີຂໍ້ກຳນົດລະອຽດວ່າ ຜູ້ໃດມີສິດໄດ້ສຳພັດກັບຂໍ້ມູນຂອງຜູ້ຕິດພະຍາດ… ສະນັ້ນ, ຂ້າພະເຈົ້າເຫັນດີຕໍ່ໃບສະເໜີຂອງລັດຖະບານ ກ່ຽວກັບຄວາມຈຳເປັນ, ຂອບເຂດການປັບປຸງຮ່າງກົດໝາຍ ເພື່ອແນໃສ່ເພີ່ມທະວີວຽກງານປົກປ້ອງ, ເບິ່ງແຍງ ແລະ ຍົກສູງສຸຂະພາບໃຫ້ແກ່ປະຊາຊົນໃນສະພາບການໃໝ່ກວ່າອີກ, ຕອບສະໜອງຄວາມຮຽກຮ້ອງຕ້ອງການຂອງວຽກງານປ້ອງກັນ, ຕ້ານເຊື້ອ HIV/AIDS”.

        ໂດຍສະແດງໃຫ້ເຫັນຄວາມເຫັນດີເຫັນພ້ອມຮ່າງກົດໝາຍໄດ້ກຳນົດການເປີດກວ້າງຜູ້ໄດ້ສຳພັດກັບຂໍ້ມູນຂອງຜູ້ຕິດເຊື້ອ HIV, ແຕ່ບັນດາສະມາຊິກສະພາແຫ່ງຊາດກໍ່ສະເໜີໃຫ້ຄະນະຮຽບຮຽງຕ້ອງພິຈາລະນາດັດປັບການຮັບປະກັນຄວາມລັບດ້ານຂໍ້ມູນສ່ວນຕົວຂອງຄົນເຈັບ, ຜູ້ຕິດເຊື້ອ HIV ຮັບປະກັນສິດ ແລະ ຜົນປະໂຫຍດອັນຖືກຕ້ອງຂອງຜູ້ຕິດເຊື້ອ.