ສະພາແຫ່ງຊາດປຶກສາຫາລືຮ່າງກົດໝາຍລົງນາມແລະປະຕິບັດສົນທິສັນຍາສາກົນ
(ພາບປະກອບ)
(vovworld) - ຮ່າງກົດໝາຍລົງນາມ, ເຂົ້າເປັນສະມາຊິກ ແລະ ປະຕິບັດສົນທິສັນຍາສາກົນ (ສະບັບປັບປຸງ) ແລະ ການໃຫ້ສັດຕະຍາບັນອະນຸສັນຍາປັບປຸງສັນຍາສ້າງຕັ້ງອົງການການຄ້າໂລກ (WTO), ແມ່ນສອງເນື້ອໃນທີ່ບັນດາສະມາຊິກສະພາແຫ່ງຊາດປຶກສາຫາລືໃນຕອນບ່າຍວັນທີ 5/11 ຢູ່ຮ່າໂນ້ຍ.
ສຳລັບຮ່າງກົດໝາຍລົງນາມ, ເຂົ້າເປັນສະມາຊິກ ແລະ ປະຕິບັດສົນທິສັນຍາສາກົນ (ສະບັບປັບປຸງ), ບັນດາສະມາຊິກສະພາແຫ່ງຊາດຢືນຢັນ, ນີ້ແມ່ນຮ່າງກົດໝາຍທີ່ມີຄວາມໝາຍສຳຄັນ, ຮັບໃຊ້ຄວາມຮຽກຮ້ອງເຊື່ອມໂຍງເສດຖະກິດກັບສາກົນຢ່າງຕັ້ງໜ້າ ແລະ ທັນການ. ສະມາຊິກສະພາແຫ່ງຊາດບາງທ່ານປະກອບຄວາມເຫັນ ຄວນເປີດເຜີຍບັນດາສົນທິສັນຍາສາກົນທີ່ມີຜົນສັກສິດໃຫ້ປະຊາຊົນໄດ້ຮັບຊາບ. ນອກນັ້ນລັດຖະບານກໍ່ຕ້ອງສ້າງຕັ້ງອົງການຮັບຜິດຊອບສະເພາະກ່ຽວກັບບັນຫານີ້.
ສຳລັບເລື່ອງໃຫ້ສັດຕະຍາບັນອະນຸສັນຍາປັບປຸງສັນຍາສ້າງຕັ້ງອົງການການຄ້າໂລກ (WTO), ສະມາຊິກສະພາແຫ່ງຊາດສ່ວນຫຼາຍ ໄດ້ເຫັນດີຕໍ່ເລື່ອງສະພາແຫ່ງຊາດເຊັນອະນຸສັນຍານີ້ໂດຍໄວ. ເລື່ອງເຊັນອະນຸສັນຍານີ້ໂດຍໄວ ແມ່ນເໝາະສົມກັບແຜນນະໂຍບາຍ, ແນວທາງ ແລະ ນະໂຍບາຍຂອງພັກ, ລັດ ໃນການຕັ້ງໜ້າ ແລະ ເປັນເຈົ້າການເຊື່ອມໂຍງເຂົ້າກັບສາກົນ; ສະແດງໃຫ້ເຫັນບົດບາດເປັນເຈົ້າການ ແລະ ມີຄວາມຮັບຜິດຊອບຂອງຫວຽດນາມໃນບັນດາອົງການສາກົນເວົ້າລວມ ແລະ ໃນ WTO ເວົ້າສະເພາະ.