ສະເຫຼີມສະຫຼອງ 60 ປີແຫ່ງວັນສ້າງຕັ້ງໂຮງຮຽນພາກໃຕ້ ຢູ່ພາກເໜືອ
(ສະເຫຼີມສະຫຼອງ 60 ປີແຫ່ງວັນສ້າງຕັ້ງໂຮງຮຽນພາກໃຕ້ ຢູ່ພາກເໜືອ)
(vovworld) – ຕອນເຊົ້າວັນທີ 14/12, ຢູ່ຮ່າໂນ້ຍ, ໄດ້ຈັດພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງໂຮງຮຽນພາກໃຕ້ ຢູ່ພາກເໜືອ (1954 - 2014). ກ່ອນນີ້ 60 ປີ, ພາຍຫຼັງສັນຍາ ເຊີແນວ, ປະຕິບັດແຜນນະໂຍບາຍຂອງລຸ່ງໂຮ່, ສູນກາງພັກ ແລະ ລັດຖະບານ, ລະບົບໂຮງຮຽນພາກໃຕ້ຫວຽດນາມ ຢູ່ພາກເໜືອ ໄດ້ຮັບການສ້າງຕັ້ງຂຶ້ນ. ມີນັກຮຽນ 32.000 ຄົນ ເຊິ່ງເປັນລູກຂອງພະນັກງານປະຕິວັດເຂດພາກໃຕ້ ໄດ້ສົ່ງມາພາກເໜືອ ເພື່ອຮໍ່າຮຽນ ແນໃສ່ຮັບໃຊ້ໃຫ້ພາລະກິດປົດປ່ອຍ, ປົກປັກຮັກສາ ແລະ ສ້າງສາປະເທດຊາດ. ກ່າວຄຳເຫັນທີ່ພິທີ, ທ່ານປະທານປະເທດ ເຈືອງເຕີນຊາງ ຢືນຢັນວ່າ.
“ຮູບແບບໂຮງຮຽນພາກໃຕ້ ຢູ່ພາກເໜືອ ໂຄງຕົວໃນໄລຍະ 20 ກວ່າປີ, ແຕ່ບັນດາຜົນງານ ແລະ ບົດຮຽນຂອງໂຮງຮຽນໃນການປະຕິບັດຈຸດໝາຍສຶກສາ, ບຳລຸງສ້າງ, ວິທີສິດສອນ, ຮໍ່າຮຽນ, ປະຕິບັດຫຼັກການສຶກສາຮອບດ້ານ ຮໍ່າຮຽນພ້ອມກັບການປະຕິບັດ, ໂຮງຮຽນຕິດພັນກັບສັງຄົມ… ເລື່ອງສ້າງຕັ້ງການພົວພັນລະຫວ່າງຄູສອນ ແລະ ນັກຮຽນ, ແຂ່ງຂັນສອນດີ, ຮຽນເກັ່ງແມ່ນມີຜົນປະໂຫຍດ ຕ້ອງໄດ້ຮັບການສືບທອດ ແລະ ເສີມຂະຫຍາຍ.”