(vovworld) – ພິທີສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ຮຸງກາຣີ (03/02/1950 – 03/02/2015), ໂດຍສະຫະພັນບັນດາອົງການຈັດຕັ້ງມິດຕະພາບ, ສະມາຄົມມິດຕະພາບຫວຽດນາມ - ຮຸງກາຣີ ນະຄອນໂຮ່ຈິມິນ ຈັດຕັ້ງໃນຕອນເຊົ້າວັນທີ 04/02, ຢູ່ນະຄອນໂຮ່ຈິມິນ. ກ່າວຄຳເຫັນທີ່ພິທີ, ທ່ານ ຫງວຽນຮົ່ງລິ້ງ, ຫົວໜ້າພະແນກພົວພັນຕ່າງປະເທດນະຄອນໂຮ່ຈິມິນ ເນັ້ນໜັກວ່າ ໃນຂອບເຂດການຮ່ວມມື 2 ຝ່າຍ, ຍາມໃດນະຄອນໂຮ່ຈິມິນ ກໍ່ແມ່ນໜຶ່ງໃນບັນດາທ້ອງຖິ່ນນຳໜ້າໃນທົ່ວປະເທດ ໃນການຜັນຂະຫຍາຍບັນດາການເຄື່ອນໄຫວຮ່ວມມືກັບຮຸງກາຣີ. ນະຄອນມີການສົມທົບກັນຫຼາຍດ້ານກັບທ້ອງຖິ່ນຕ່າງໆຂອງຮຸງກາຣີ, ພິເສດມີການຮ່ວມມືໃນຫຼາຍຂົງເຂດກັບນະຄອນຫຼວງ Budapest. ໃນໄລຍະຈະມາເຖິງ, ພ້ອມກັບປະຊາຊົນໃນທົ່ວປະເທດ, ປະຊາຊົນນະຄອນໂຮ່ຈິມິນ ຈະສືບຕໍ່ກໍ່ສ້າງ, ຊຸກຍູ້ການພົວພັນຮ່ວມມືຢ່າງແໜ້ນແຟ້ນ, ເລິກເຊິ່ງ ແລະ ກວ້າງຂວາງກັບຮຸງກາຣີ ຍິ່ງກວ່າອີກ.
ສ່ວນທ່ານນາງ Torda Eszter, ເອກອັກຄະລັດຖະທູດຮຸງກາຣີ ປະຈຳຫວຽດນາມ ເຊື່ອໝັ້ນວ່າ, ໃນໄລຍະຈະມາເຖິງ, ປະຊາຊົນທັງ 2 ປະເທດ ຈະຮ່ວມແຮງຮ່ວມໃຈສືບຕໍ່ສ້າງ, ປັບປຸງ, ເພີມພູນຄຸນສ້າງໃຫ້ສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມືລະຫວ່າງ 2 ປະເທດໃຫ້ໝັ້ນຄົງຂະໜົງແກ່ນໄປຊົ່ວກາລະນານ.