ສະເຫຼີມສະຫຼອງ60ປີແຫ່ງວັນສ້າງຕັ້ງສະມາຄົມມິດຕະພາບຫວຽດນາມ-ຝລັ່ງ
ພິທີສະເຫຼີມສະຫຼອງ 60 ປີແຫ່ງວັນ
ສ້າງຕັ້ງສະມາຄົມມິດຕະພາບຫວຽດນາມ-ຝລັ່ງ
(ພາບ: qdnd.vn)
(vovworld) - ວັນທີ 27/06, ຢູ່ຮ່າໂນ້ຍ, ສະມາຄົມມິດຕະພາບຫວຽດນາມ - ຝລັ່ງ ປະຈຸບັນແມ່ນສະມາຄົມມິດຕະພາບ ແລະ ຮ່ວມມືຫວຽດນາມ - ຝລັ່ງ, ໄດ້ຈັດຕັ້ງພິທີສະເຫຼິມສະຫຼອງ 60 ປິແຫ່ງວັນສ້າງຕັ້ງສະມາຄົມ (02/07/1955 – 02/07/2015) ແລະ ວາງສະແດງບັນດາພາບ, ຮູບຖ່າຍເອກະສານດ້ວຍຫົວຂໍ້ “ຫວຽດນາມ - ໂຮ່ຈິມິນ: ນ້ຳໃຈສາມັກຄີຫວຽດນາມ - ຝລັ່ງ”. ຜ່ານ 60 ປີແຫ່ງການສ້າງຕັ້ງ ແລະ ພັດທະນາ, ສະມາຄົມໄດ້ປະກອບສ່ວນຢ່າງໃຫຍ່ຫຼວງເຂົ້າໃນບັນດາແຜນນະໂຍບາຍ, ນະໂຍບາຍຂອງພັກ ກ່ຽວກັບວຽກງານການຕ່າງປະເທດປະຊາຊົນ, ພິເສດແມ່ນໃນໜ້າທີ່ຂົນຂວາຍປະຊາຊົນຝລັ່ງ ສາມັກຄີ, ສະໜັບສະໜູນ, ຊ່ວຍເຫຼືອປະຊາຊົນຫວຽດນາມ ໃນພາລະກິດຕໍ່ສູ້, ຍາດເອົາເອກະລາດ, ປົດປ່ອຍພາກໃຕ້ຫວຽດນາມ ຢ່າງສົມບູນ, ໂຮມປະເທດຊາດເປັນເອກະພາບ. ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງສ.ຝລັ່ງ ປະຈຳຫວຽດນາມ Jean Noel Poirier ຢືນຢັນວ່າ, ໃນໄລຍະຈະມາເຖິງ, ສະຖານທູດຝລັ່ງ ປະຈຳຫວຽດນາມ ຈະສືບຕໍ່ສະໜັບສະໜູນ ແລະ ພ້ອມກັບສະມາຄົມມິດຕະພາບຫວຽດນາມ ກໍ່ສ້າງ ແລະ ຜັນຂະຫຍາຍການເຄື່ອນໄຫວຕ່າງໆ ເພື່ອປະກອບສ່ວນຊຸກຍູ້ການພົວພັນ, ມິດຕະພາບ, ການຮ່ວມມືລະຫວ່າງ ປະຊາຊົນ 2 ປະເທດ..