ສ້າງກຳລັງປະກອບອາວຸດຮ່າໂນ້ຍເປັນກຳລັງຫຼວງ,ຍອດຢ້ຽມ,ທັນສະໄໝເທື່ອລະກ້າວ
(ທ່ານ ປະທານປະເທດ ເຈີ່ນດ້າຍກວາງ
ກ່າວຄວາມເຫັນທີ່ພິທີສະເຫຼີມສະຫຼອງ)
(vovworld)- ພິທີສະເຫຼີມສະຫຼອງ ວັນມູນເຊື້ອກຳລັງປະກອບອາວຸດ ນະຄອນຫຼວງຮ່າໂນ້ຍ ຄົບຮອບ 70 ປີ (18/10/1946-18/10/2016) ໄດ້ດຳເນີນ ໃນຕອນເຊົ້າ ວັນທີ 18/10 ຢູ່ຮ່າໂນ້ຍ. ກ່າວຄວາມເຫັນທີ່ພິທີສະເຫຼີມສະຫຼອງ, ທ່ານ ປະທານປະເທດ ເຈີ່ນດ້າຍກວາງ ສະເໜີ ກຳລັງປະກອບອາວຸດນະຄອນຫຼວງ ເປັນເຈົ້າການເສນາທິການໃຫ້ການນຳນະຄອນຫຼວງຮ່າໂນ້ຍ ຊີ້ນຳໜ້າທີ່ປ້ອງກັນຊາດ ແລະ ການທະຫານທ້ອງຖິ່ນ.
“ສຸມໃສ່ກໍ່ສ້າງກຳລັງປະກອບອາວຸດນະຄອນຫຼວງ ເປັນກຳລັງຫຼວງ, ທີ່ຍອດຢ້ຽມ, ທັນສະໄໝເທື່ອລະກ້າວ, ມີຄຸນນະພາບສັງລວມ ແລະ ກຳລັງສູ້ຮົບສູງ. ຈັດຕັ້ງກຳລັງໃຫ້ກະທັດລັດ, ແບບເຄື່ອນທີ່, ເປັນກຳລັງຫຼວງ, ມີກົດລະບຽບຢ່າງເຂັ້ມງວດ, ປະກອບອຸປະກອນນັບມື້ນັບທັນສະໄໝ. ຍົກສູງຄຸນນະພາບການຝຶກຊ້ອມ, ກຳລັງຄວາມສາມາດໃນການບັນຊາ, ວຽກງານເສນາທິການ, ຮັບປະກັນພາລາທິການ, ດ້ານເຕັກນິກ. ສ້າງກຳລັງທະຫານລາດ, ກຳລັງສຳຮອງເພື່ອເຂົ້າຮ່ວມສູ້ຮົບແຮງ ແລະ ມີປະສິດທິຜົນ ”.
ເນື່ອງໃນໂອກາດນີ້, ທ່ານ ປະທານປະເທດ ເຈີ່ນດ້າຍກວາງ ໄດ້ມອບຫຼຽນໄຊພິລະອາດຫານ ຊັ້ນ 1 ໃຫ້ກຳລັງປະກອບອາວຸດນະຄອນຫຼວງຮ່າໂນ້ຍ.