(vovworld) – ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງ ພັກແຮງງານສປປ.ເກົາຫຼີ (10/10/1945 – 10/10/2015), ວັນທີ 07/10, ທ່ານເລຂາທິການໃຫຍ່ຄະນະບໍລິການງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ສົ່ງສານຊົມເຊີຍເຖິງທ່ານເລຂາທີໜຶ່ງພັກແຮງງານສປປ.ເກົາຫຼີ, ປະທານຄະນະກຳມະການປ້ອງກັນຊາດສປປ.ເກົາຫຼີ Kim Jong un. ໃນສານຊົມເຊີຍມີຕອນຂຽນວ່າ “ໃນໄລຍະ 70 ປີຜ່ານມາ, ພາຍໃຕ້ການຊີ້ນຳນຳພາຂອງພັກແຮງງານສປປ.ເກົາຫຼີ ໂດຍທ່ານປະທານ Kim Il Sung ກໍຕັ້ງ, ທ່ານເລຂາທິການໃຫຍ່ Kim Jong il ແລະ ທ່ານເລຂາຜູ້ທີໜຶ່ງ Kim Jong un ສືບທອດ, ປະເທດຊາດ ແລະ ປະຊາຊົນສປປ.ເກົາຫຼີ ບັນລຸໄດ້ບັນດາຜົນງານອັນຍິ່ງໃຫຍ່. ພັກກອມມູນິດຫວຽດນາມ ແລະ ປະຊາຊົນຫວຽດນາມ ຂໍອວຍພອນພັກແຮງງານສປປ.ເກົາຫຼີ ແລະ ປະຊາຊົນ ສປປ.ເກົາຫຼີ ສືບຕໍ່ຍາດໄດ້ບັນດາຜົນງານທີ່ໃຫຍ່ຫຼວງກວ່າອີກ ໃນພາລະກິດສ້າງສາ ແລະ ປົກປັກຮັກສາປະເທດສປປ.ເກົາຫຼີ ສັງຄົມນິຍົມສັນຕິພາບ, ວັດທະນາຖາວອນ. ຂໍອວຍພອນໃຫ້ການພົວພັນມິດຕະພາບ, ການຮ່ວມມືທີ່ເປັນມູນເຊື້ອລະຫວ່າງ 2 ພັກ ແລະ ປະຊາຊົນ 2 ປະເທດຫວຽດນາມ - ສປປ.ເກົາຫຼີ ນັບມື້ນັບໄດ້ຮັບການປັບປຸງ ແລະ ພັດທະນາຢ່າງບໍ່ຢຸດຢັ້ງ, ເພື່ອຜົນປະໂຫຍດຂອງປະຊາຊົນ 2 ປະເທດ, ປະກອບສ່ວນເຂົ້າໃນສັນຕິພາບ, ການຮ່ວມມື ແລະ ການພັດທະນາຂອງພາກພື້ນ ແລະ ໃນໂລກ…”.