ສຳເລັດວຽກງານວາງ ແຜນກຳນົດ,ຕິດພັນ ກັບການພັດທະນາ
(ພາບ: http://radiovietnam.vn)
(vovworld)– ຕອນເຊົ້າວັນທີ 6/12 ຢູ່ຮ່າໂນ້ຍ, ຄະນະກຳມະການຊົນເຜົ່າ ສົມທົບກັບສະຫະພັນບັນດາອົງການມິດຕະພາບຫວຽດນາມ ໄດ້ຈັດກອງປະຊຸມສົ່ງເສີມການລົງທຶນ ແລະ ອຸປະຖຳພັດທະນາເສດຖະກິດສັງຄົມເຂດຊົນເຜົ່າພູດອຍ. ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີຫງວຽນຊວນຟຸກ ສະເໜີວ່າ: ອຳນາດການປົກຄອງຂັ້ນຕ່າງໆ ແລະ ທັງລະບົບການເມືອງຈາກສູນກາງລົງຮອດຂັ້ນຮາກຖານ ຈົ່ງສືບຕໍ່ສຳເລັດວຽກງານວາງແຜນກຳນົດ, ຕິດພັນກັບການພັດທະນາການຜະລິດ ແລະ ສ້າງເຂດຊຸມຊົນເປັນປົກກະຕິ. ການວາງແຜນກຳນົດຕ້ອງຕິດພັນກັບການວາງແຜນກຳນົດສັງລວມຂອງທົ່ວປະເທດ, ຂອງເຂດ, ສະພາບຕົວຈິງຂອງແຕ່ລະທ້ອງຖິ່ນ ແລະ ຈຸດພິເສດຂອງແຕ່ລະຊົນເຜົ່າ. ຕ້ອງຂຸດຄົ້ນຄວາມສາມາດບົ່ມຊ້ອນ, ທ່າແຮງໃນການຜະລິດ, ປຸງແຕ່ງຜະລິດຕະພັນກະເສດ, ເຄື່ອງປ່າຂອງດົງຢູ່ບັນດາອະນຸເຂດພັດທະນາກະສິກຳເຕັກໂນໂລຊີສູງ, ລ້ຽງສັດດ້ວຍຂອບຂະໜາດໃຫ່ຍ, ລ້ຽງປູກສິນໃນນ້ຳ; ພັດທະນາການທ່ອງທ່ຽວຊີວະພາບ, ວັດທະນະທຳ, ປະຫວັດສາດ…ຄຽງຄ້າງນັ້ນ, ຕ້ອງມີນະໂຍບາຍເໝາະສົມເພື່ອດຶງດູດແຫຼ່ງກຳລັງຢ່າງແຮງເພື່ອຍົກລະດັບພື້ນຖານໂຄງລ່າງຄົມມະນາຄົມດ້ວຍຫຼາຍຮູບການລົງທຶນແຕກຕ່າງກັນຄື: ຈາກລັດ, ບັນດາຄູ່ຮ່ວມມືພັດທະນາ, ຈາກປະຊາຄົມ./.