ທ່ານ Nguyen Thien Nhan ຮອງນາຍົກລັດຖະມົນຕີຕ້ອນຮັບທ່ານ Eric Falt ຜູ້ຊ່ວຍວຽກຜູ້ອຳນວຍການ UNESCO
ພາບ:TTXVN |
(vovword)- ຕອນເຊົ້າວັນທີ 15/6, ທີ່ການຕ້ອນຮັບທ່ານ Eric Falt ຜູ້ຊ່ວຍວຽກຜູ້ອຳນວຍການ UNESCO ຮັບຜິດຊອບການພົວພັນຕ່າງປະເທດ, ຖະແຫລງຂ່າວ, ຫົວຫນ້າບັນດາຄະນະກຳມະການແຫ່ງຊາດ UNESCO ພາກພື້ນອາຊີ - ປາຊີຟີກ, ທ່ານ Nguyen Thien Nhan ຮອງນາຍົກລັດຖະມົນຕີ ຫວຽດນາມ ໄດ້ຕີລາຄາສູງການຜັນຂະຫຍາຍບັນດາໂຄງການຂອງ UNESCO ຢູ່ ຫວຽດນາມ ຢ່າງມີປະສິດທິຜົນ. ທ່ານຮອງນາຍົກລັດຖະມົນຕີ Nguyen Thien Nhan ສະແດງຄວາມປາດຖະຫນາວ່າ: ໃນໄລຍະຈະມາເຖິງ, ຫວຽດນາມ ສືບຕໍ່ໄດ້ຮັບການຫນູນຊ່ວຍຈາກອົງການ UNESCO ພິເສດ ແມ່ນໃນຂົງເຂດສຶກສາ, ອະນຸລັກຮັກສາ ແລະ ປະຕິສັງຂອນບັນດາມໍລະດົກວັດທະນະທຳ. ທ່ານ Eric Falt ຕີລາຄາສູງ ເລື່ອງລັດຖະບານ ແລະ ປະຊາຊົນ ຫວຽດນາມ ກໍຄືບັນດາຜົນງານຊຶ່ງຄະນະກຳມະການ UNESCO ຫວຽດນາມ ໄດ້ປະກອບສ່ວນໃຫ້ແກ່ UNESCO, ຮັບຮູ້ຄວາມານະພະຍາຍາມຢ່າງບໍ່ຢຸດຢັ້ງຂອງອົງການ UNESCO ຫວຽດນາມ ໃນການຊອກຫາ ແລະ ສະເຫນີ ການຮັກສາບັນດາຄຸນຄ່າວັດທະນະທຳ, ການສຶກສາ ແລະ ວິທະຍາສາດທີ່ເປັນເອກະລັກສະເພາະຂອງ ຫວຽດນາມ ປະກອບສ່ວນເຮັດໃຫ້ສາງມໍລະດົກ ວັດທະນະທຳໂລກອຸດົມສົມບູນຂຶ້ນຕື່ມ.