ທ່ານ ບຸຍແທັງເຊີນ ລັດຖະມົນຕີກະຊວງການຕ່າງປະເທດ ຫວຽດນາມ

ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີ ບຸຍແທງເຊີນ ໄດ້ຢັ້ງຢຶນຄວາມໝັ້ນຄົງທາງເຄືອຂ່າຍອິນເຕີແນັດທີ່ມີຄວາມໝາຍຫຼັກແຫຼ່ງຕໍ່ສັນຕິພາບ, ຄວາມໝັ້ນຄົງ, ພັດທະນາ ແລະ ວັດທະນາຖາວອນ ຢູ່ທຸກລະດັບຊາດ ແລະ ທົ່ວໂລກ, ອະທິປະໄຕ ແລະ ຜົນປະໂຫຍດຂອງແຕ່ລະປະເທດ ໃນເຄືອຂ່າຍອິນເຕີແນັດຕ້ອງໄດ້ຮັບຄວາມເຄົາລົບ ຢ່າງຄົບຖ້ວນ. ດັ່ງນັ້ນ, ຕ້ອງມີວິທີການແກ້ໄຂໃນຂອບເຂດທົ່ວໂລກຕໍ່ຄວາມໝັ້ນຄົງທາງເຄືອຂ່າຍອິນເຕີແນັດ. ທຸກການເຄື່ອນໄຫວດັ່ງກ່າວ ໃນເຄືອຂ່າຍອິນເຕີແນັດຕ້ອງສອດຄອງກັບກົດບັດ ສປຊ ແລະ ກົດໝາຍສາກົນ, ເປັນຕົ້ນແມ່ນບັນດາຫຼັກການພື້ນຖານຄື ການເຄົາລົບເອກະລາດ, ອະທິປະໄຕແຫ່ງຊາດ, ບໍ່ແຊກແຊງເຂົ້າວຽກງານພາຍໃນ, ບໍ່ນຳໃຊ້ອາວຸດ ແລະ ແກ້ໄຂຄວາມຂັດແຍ້ງກັນໂດຍສັນຕິວິທີ.

ທ່ານ ບຸຍແທັງເຊີນ ໃຫ້ຮູ້ວ່າ: ຫວຽດນາມ ໄດ້ສ້າງຍຸດທະສາດຫັນເປັນດີຈີຕອນແຫ່ງຊາດ ແລະ ພວມສູ້ຊົນຮອດປີ 2030, ເສດຖະກິດດີຈີຕອນກວມເອົາ 30% GDP. ຢູ່ອາຊີຕາເວັນອອກສ່ຽງໃຕ້, ຫວຽດນາມໄດ້ເປັນເຈົ້າການ, ຕັ້ງໜ້າເຂົ້າຮ່ວມບັນດາກົນໄກຄວາມໝັ້ນຄົງທາງເຄືອຂ່າຍອິນເຕີແນັດໃນພາກພື້ນ, ໃນນັ້ນມີ ຍຸດທະສາດຮ່ວມມືຄວາມໝັ້ນຄົງທາງເຄືອຂ່າຍອິນເຕີແນັດ ຂອງ ອາຊຽນ. ຫວຽດນາມພ້ອມແລ້ວທີ່ຈະຮ່ວມມືກັບບັນດາຄູ່ຮ່ວມມື ເພື່ອແນໃສ່ສ້າງສະພາບແວດລ້ອມເຄືອຂ່າຍອິນເຕີແນັດແຫ່ງສັນຕິພາບ, ສະຖຽນລະພາບ, ຄວາມໝັ້ນຄົງ ເພື່ອປະຊາຊົນ ແລະ ການພັດທະນາແບບຍືນຍົງ