ການປະຊຸມຂ່າວສາກົນ “Exciting ຫວຽດນາມ - ສະຖານທີ່ປອດໄພ, ສະໜິດສະໜົມ ແລະ ດູດດື່ມ”
(ພາບ: qdnd.vn)
(vovworld) - ວັນທີ 9/7, ກະຊວງວັດທະນະທຳ - ກິລາ ແລະ ທ່ອງທ່ຽວສົມທົບກັບກະຊວງການຕ່າງປະເທດ ຈັດຕັ້ງການປະຊຸມຂ່າວສາກົນ “Exciting ຫວຽດນາມ - ສະຖານທີ່ປອດໄພ, ສະໜິດສະໜົມ ແລະ ດູດດື່ມ “. ທີ່ການປະຊຸມຂ່າວ, ທ່ານລັດຖະມົນຕີຊ່ວຍວ່າການ ກະຊວງວັດທະນະທຳ - ກິລາ ແລະ ທ່ອງທ່ຽວ ໂຮ່ແອງຕ໋ວານ, ໃຫ້ຮູ້ວ່າ:
“ການເຄື່ອນໄຫວນີ້ເພື່ອແນໃສ່ແນະນຳ, ໂຄສະນາໃຫ້ຊາວຫວຽດນາມ ແລະ ເພື່ອນມິດສາກົນເຫັນໄດ້ສະຖານທີ່ທ່ອງທ່ຽວຂອງພວກເຮົາມີຄວາມດູດດື່ມ ແລະ ມີຄຸນນະພາບຄືແນວໃດ ເພື່ອເປີດຕະຫຼາດໃໝ່, ດຶງດູດນັກທ່ອງທ່ຽວສາກົນມາຢ້ຽມຢາມຫວຽດນາມຫຼາຍກວ່າ, ພ້ອມທັງຊຸກຍູ້ການທ່ອງທ່ຽວພາຍໃນປະເທດເພື່ອໃຫ້ຊາວຫວຽດນາມເຂົ້າຮ່ວມບັນດາລາຍການທ່ອງທ່ຽວຂອງປະເທດຕົນຫຼາຍກວ່າ“.
ເມື່ອຕອບສຳພາດຢູ່ນອກກອງປະຊຸມ, ທ່ານນາງ Katherine Muller Marin, ຫົວໜ້າຜູ້ຕາງໜ້າອົງການສຶກສາ - ວິທະຍາສາດ - ວັດທະນະທຳ ສປຊ (UNESCO) ປະຈຳຫວຽດນາມ, ຖືວ່າ:
“ເມື່ອເວົ້າເຖິງທ່ອງທ່ຽວ, ໝາຍຄວາມວ່າເພື່ອນຢາກໄດ້ເຫັນປະຈັກຕາເຂດດິນທີ່ສວຍງາມ, ອາດຈະເວົ້າເຖິງ ອ່າວຮ້າລອງ, ເຫວ໋, ຈ່າງອານ… ໂລກຄວນຮູ້ຈັກເຖິງສະຖານທີ່ເຫຼົ່ານັ້ນ, ເພາະວ່າມັນມີຄູນຄ່າພິເສດ, ທີ່ເປັນເອກະລັກສະເພາະ, ມັນບໍ່ພຽງແຕ່ມີຄຸນຄ່າສຳລັບຫວຽດນາມເທົ່ານັ້ນ, ຫາກຍັງມີຄຸນຄ່າສຳລັບທົ່ວໂລກອີກດ້ວຍ. ດັ່ງນັ້ນພວກເຮົາຄວນຮຽກຮ້ອງທຸກຄົນມາຢ້ຽມຢາມ ແລະ ຮັບຮູ້ບັນດາທັດສະນີຍະພາບທີ່ສວຍງາມນີ້“.