ຫວຽດນາມ-ອາເມລິກາເຫັນດີເປັນເອກະສັນເປີດກ້ວາງການເຈລະຈາ2ຝ່າຍກ່ຽວກັບຄວາມໝັ້ນຄົງ
ເຍີດກິ່ງ, ນັກຂ່າວVOVປະຈຳວໍຊິງຕັນ -  
ການເຮັດວຽກລະຫວ່າງ 2 ຄະນະ
|
(vovworld) – ໃນຂອບເຂດການຢ້ຽມຢາມ ແລະ ເຮັດວຽກຢູ່ ອາເມລິກາ, ວັນທີ 19/3, ທ່ານລັດຖະມົນຕີວ່າການກະຊວງຕຳຫຼວດ ເຈີ່ນດ້າຍກວາງ ມີການພົບປະກັບບັນດາເຈົ້າໜ້າທີ່ຂັ້ນສູງຂອງສະພາປ້ອງກັນຄວາມສະຫງົບແຫ່ງຊາດ, ກະຊວງການຕ່າງປະເທດ ແລະ ກະຊວງປ້ອງກັນປະເທດ ອາເມລິກາ ເພື່ອແນໃສ່ເພີ່ມທະວີການຮ່ວມມື 2 ຝ່າຍໃນການຕ້ານອາດຊະຍາກຳ ກໍ່ຄືບັນດາບັນຫາປ້ອງກັນຄວາມສະຫງົບ ແລະ ມະນຸດສະທຳ. ທີ່ການພົບປະ, ທ່ານລັດຖະມົນຕີວ່າການ ເຈີ່ນດ້າຍກວາງ ຫວັງວ່າ: ບັນດາຄູ່ຮ່ວມມື ອາເມລິກາ ສືບຕໍ່ສ້າງເງື່ອນໄຂສະດວກໃຫ້ແກ່ບັນດາການເຄື່ອນໄຫວຮ່ວມມືລະຫວ່າງອົງການປະຕິບັດກົດໝາຍຂອງ 2 ປະເທດ ໃນການປ້ອງກັນ, ຕ້ານອາດຊະຍາກຳ, ໜູນຊ່ວຍແກ້ໄຂຜົນຮ້າຍຢ້ອນຫຼັງຈາກທາດພິດສີສົ້ນ/ ດີໂອຊີນ, ຊອກຫາ, ທຳລາຍລູກລະເບີດບໍ່ທັນແຕກ ແລະ ຕັ້ງໜ້າເຂົ້າຮ່ວມແກ້ໄຂບັນຫາຊາວ ຫວຽດນາມ ຫາຍສາບສູນ ໃນປາງສົງຄາມ. ຝ່າຍ ອາເມລິກາ ຂອບໃຈລັດຖະບານ ແລະ ປະຊາຊົນ ຫວຽດນາມ ໄດ້ຕັ້ງໜ້າແກ້ໄຂບັນຫາທະຫານ ອາເມລິກາ ຫາຍສາບສູນໃນສົງຄາມ, ເປັນເອກະພາບເພີ່ມທະວີການຮ່ວມມືໃນການຕໍ່ສູ້, ປ້ອງກັນ, ຕ້ານອາດຊະຍາກຳ, ຮັກສາ ແລະ ເປີດກ້ວາງກົນໄກເຈລະຈາ 2 ຝ່າຍກ່ຽວກັບບັນດາບັນຫາກ່ຽວຂ້ອງເຖິງຄວາມສະຫງົບຂອງ 2 ປະເທດ, ພິເສດແມ່ນໃນການຮັບມືກັບບັນດາໄພນາບຂູ່ເຖິງຄວາມສະຫງົບ.
ເຍີດກິ່ງ, ນັກຂ່າວVOVປະຈຳວໍຊິງຕັນ