ຫວຽດນາມເຂົ້າຮ່ວມກອງ ປະຊຸມ AFC ຄັ້ງທີ 3 ຢູ່ອາຟຼິກກາໃຕ້
(ພາບປະກອບ: agroviet.gov.vn
(vovworld)- ກອງປະຊຸມ AFC ຄັ້ງທີ 3 ຈັດຂຶ້ນຢູ່ອາຟຼິກກາໃຕ້ແມ່ນກອງປະຊຸມທົ່ວໂລກກ່ຽວກັບດ້ານກະສິກຳ, ສະບຽງອາຫານ, ຄວາມປອດໄພດ້ານໂພສະນາການ ແລະ ການປ່ຽນແປງຂອງດິນຟ້າອາກາດ (AFC). ຄະນະຜູ້ແທນກະຊວງກະສິກຳ ແລະ ພັດທະນາຊົນນະບົດຫວຽດນາມ ໂດຍທ່ານຮອງລັດຖະມົນຕີເລກວກແຢວງ ນຳໜ້າໄດ້ເຂົ້າຮ່ວມກອງປະຊຸມ.
ກ່າວຄຳເຫັນໄຂກອງປະຊຸມ, ທ່ານ Tina Joemat Pettersson ລັດຖະມົນຕີກະຊວງກະສິກຳ ປ່າໄມ້ ແລະ ການປະມົງ ອາຟຼິກກາໃຕ້ເນັ້ນໜັກວ່າ: ກອງປະຊຸມຄັ້ງນີ້ແມ່ນເວທີປາໄສເພື່ອໃຫ້ບັນດາການນຳທົ່ວໂລກ, ບັນດານັກວິທະຍາສາດ, ອົງການບໍ່ຂຶ້ນກັບລັດຖະບານ ແລະ ຜູ້ເຂົ້າຮ່ວມການປູກຝັງໂດຍກົງ ປຶກສາຫາລື ແລະ ແບ່ງປັນບົດຮຽນພ້ອມກັບບັນດາຜົນສຳເລັດ ແລະ ສິ່ງທ້າທາຍສຳລັບການຄ້ຳປະກັນສະບຽງອາຫານ ໂດຍຖືກຜົນກະທົບຈາກການປ່ຽນແປງຂອງດິນຟ້າອາກາດ.
ໃນການເຮັດວຽກເປັນເວລາ 3 ວັນ, ບັນດາຜູ້ແທນໄດ້ແລກປ່ຽນຂໍ້ມູນຂ່າວສານວິທະຍາສາດເພື່ອແນໃສ່ຊອກຫາມາດຕະການຍົກສູງສະມັດຕະພາບຂອງຜະລິດຕະພັນກະເສດ, ຫລຸດຜ່ອນການປ່ອຍອາຍພິດ CO2 ພ້ອມທັງສະເໜີການກະທຳ ແລະ ວິທີການສຳພັດເພື່ອແນໃສ່ລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ ແລະ ຂາດສະເໝີພາບ./.