(ພາບປະກອບ)
(vovworld)- ວັນທີ 14/3, ທ່ານ Ricardo Luis Bocalandro ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າອັກຊັງຕິນ ປະຈຳອາຊຽນ ໄດ້ຍື່ນສານຕາຕັ້ງຕໍ່ທ່ານເລເລືອງມິງ, ເລຂາທິການໃຫ່ຍອາຊຽນ. ທ່ານເລຂາທິການໃຫ່ຍອາຊຽນ ເລເລືອງມິງ ໄດ້ຕີລາຄາສູງບັນດາຄວາມມານະພະຍາຍາມຂອງອັກຊັງຕິນ ໃນການຊຸກຍູ້ການພົວພັນກັບບັນດາປະເທດສະມາຊິກອາຊຽນ ໃນບັນດາຂົງເຂດເສດຖະກິດ, ການຄ້າ, ການລົງທຶນ, ພະລັງງານ, ການທ່ອງທ່ຽວ ແລະ ການພົບປະແລກປ່ຽນ ປຊຊ; ທ່ານສະແດງໃຫ້ເຫັນຄວາມປາດຖະໜາຢາກໃຫ້ທ່ານເອກອັກຄະລັດຖະທູດ Ricardo Luis Bocalandro ຈະສົມທົບກັບອາຊຽນ ແລະ ຄະນະເລຂາອາຊຽນ ຢ່າງແໜ້ນແຟ້ນ ເພື່ອແນໃສ່ຍູ້ແຮງການຮ່ວມມືລະຫວ່າງພາກພື້ນ ລະຫວ່າງອາຊຽນ ກັບປະຊາຄົມບັນດາປະເທດອາເມລິກາລາຕິນ ແລະ ກາຣີເບ ກໍ່ຄືກັບກຸ່ມຕະຫຼາດລວມອາເມລິກາໃຕ້ ແລະ ເວທີປາໄສຮ່ວມມືພາກພື້ນອາຊີຕາເວັນອອກ-ອາເມລິກາລາຕິນ.
ສ່ວນທ່ານເອກອັກຄະລັດຖະທູດ Ricardo Luis Bocalandro ຢືນຢັນຄວາມປາດຖະໜາຂອງອັກຊັງຕິນ ແມ່ນຢາກເພີ່ມທະວີການຮ່ວມມືກັບອາຊຽນ ກ່ວາອີກໃນບັນດາຂົງເຂດທີ່ມີຄວາມສາມາດບົ່ມຊ້ອນ ພ້ອມທັງໃຫ້ຄຳໝັ້ນສັນຍາຈະຍູ້ແຮງບັນດາການພົວພັນຮ່ວມມືລະຫວ່າງອາຊຽນ ກັບອັກຊັງຕິນ ເວົ້າສະເພາະ ແລະ ບັນດາປະເທດເມລາກາລາຕິນ ເວົ້າລວມ./.