ອັງກິດຕັກເຕື່ອນສະພາບພົນລະເມືອງປະເທດນີ້ໄປຍັງຊີຣີເພື່ອເຂົ້າຮ່ວມIS
(ພາບປະກອບຈາກອິນເຕແນັດ)
(vovworld) - ທ່ານລັດຖະມົນຕີວ່າການກະຊວງການຕ່າງປະເທດອັງກິດ Philip Hammond ຕັກເຕື່ອນກ່ຽວກັບສະພາບມີພົນລະເມືອງຫຼາຍຄົນຂອງປະເທດນີ້ ຢາກເຂົ້າເປັນສະມາຊິກຂອງອົງການກໍ່ການຮ້າຍລັດອິດສະລາມ (IS) ອ້າງຊື່ເອງ ພວມຊອກາວິທີໄປຊີຣີ ຜ່ານການາດາ ເພື່ອຫຼີກລ້ຽງການພົບເຫັນ. ກ່າວຄຳເຫັນຕໍ່ໜ້າສະພາຕໍ່າອັງກິດ, ທ່ານ Philip Hammond ໃຫ້ຂໍ້ສັງເກດວ່າ, ບັນດາພາກສ່ວນຫົວຮຸ້ນແຮງພວມນຳໃຊ້ວິທີໃໝ່ເພື່ອຫຼີບຫຼິກຕຳຫຼວດ, ສະນັ້ນ, ບັນດາອົງການປ້ອງກັນຄວາມສະຫງົບ ຕ້ອງສືບຕໍ່ຍູ້ແຮງການນຕໍ່ສູ້ເພື່ອສະກັດກັ້ນ. ຕາມແຜນການໃໝ່ກ່ຽວກັບການເພີ່ມທະວີການປ້ອງກັນຄວາມສະຫງົບແລ້ວ, ບັນດາບໍລິສັດການບິນເຄື່ອນໄຫວຢູ່ອັງກິດ ຕ້ອງກວດກາບັນດາຜູ້ທີ່ມີອາຍຸບໍ່ເຖິງກະສຽງທຸກຄົນທີ່ໄປເຖິງຕວກກີ ທາງການບິນເພື່ອແນ່ນອນວ່າ ເຂົ້າເຈົ້າບໍ່ເຂົ້າຮ່ວມ IS. ແຕ່ວ່າ, ບັນດາບົດລາຍງານສະພາບການຫວ່າງມໍ່ໆມານີ້ໃຫ້ຂໍ້ສັງເກດວ່າ ແທນທີ່ຈະໄປຈາກອັງກິດ ເຖິງຕວກກີ ທາງການບິນ, ຫຼາຍຄົນໄດ້ເຂົ້າການາດາ ກ່ອນ, ຫຼັງຈາກນັ້ນຈຶ່ງໄປຕວກກີ ເພື່ອຫຼີກລ້ຽງການກວດກາຂອງກຳລັງປ້ອງກັນຄວາມສະຫງົບ.