ອັດກອງປະຊຸມສຳມະນາທິດສະດີຄັ້ງທີ 8 ລະຫວ່າງ ພັກກອມມູນິດຫວຽດນາມ ແລະ ພັກກອມມູນິດຈີນ
ກອງປະຊຸມສຳມະນາທິດສະດີຄັ້ງທີ 8 ລະຫວ່າງ
ພັກກອມມູນິດຫວຽດນາມ ແລະ ພັກກອມມູນິດຈີນ
ພາບ:qdnd.com.vn
|
(vovword)- ວັນທີ 9/6 ຢູ່ ນະຄອນ ຮ້າລອງ ແຂວງ ກວ໋າງນີງ, ກອງປະຊຸມສຳມະນາທິດສະດີຄັ້ງທີ 8 ລະຫວ່າງ ພັກກອມມູນິດຫວຽດນາມ ແລະ ພັກກອມມູນິດ ຈີນ ພາຍໃຕ້ຫົວຂໍ້ວ່າ:“ປ່ຽນໃຫມ່ຮູບແບບການເຕີບໂຕເສດຖະກິດຢູ່ ຫວຽດນາມ ແລະ ຫັນປ່ຽນແບບວິທີພັດທະນາເສດຖະກິດຢູ່ຈີນ.” ໄດ້ອັດລົງ ພາຍຫຼັງດຳເນີນມາເປັນເວລາ 3 ວັນ. ທີ່ ປະຊຸມສຳມະນາ, ບັນດາຜູ້ແທນທີ່ເຂົ້າຮ່ວມໄດ້ສຸມໃສ່ໄຈ້ແຍກຄວາມສຳຄັນຂອງການ ປ່ຽນໃຫມ່ຮູບແບບການເຕີບໂຕເສດຖະກິດ ແລະ ຫັນປ່ຽນແບບວິທີພັດທະນາໃນຂະບວນວິວັດປ່ຽນແປງໃໝ່ຢູ່ຫວຽດນາມ ແລະ ການປິຕິຮູບເປີດປະຕູຢູ່ຈີນ.
2 ຝາ່ຍຍັງແລກປ່ຽນບົດຮຽນການສົບທົບລະຫວ່າງການ ຫັນປ່ຽນຮູບແບບການເຕີບໂຕເສດຖະກິດກັບການຍົກສູງຄວາມສາມາດນຳພາຂອງ ພັກກອມມູນິດຫວຽດນາມ; ລະຫວ່າງການຫັນປ່ຽນ ຮູບແບບການພັດທະນາເສດຖະກິດກັບການຍົກສູງກຳລັງຄວາມສາມາດກຳອຳນາດຂອງ ພັກກອມມູນິດຈີນ. ທ່ານ Phung Huu Phu ຮອງປະທານຜູ້ປະຈຳການສະພາທິດສະດີສູນກາງໃຫ້ຮູ້ວ່າ :
“ກອງປະຊຸມສຳມະນາທິດສະດີຄັ້ງທີ 8 ນີ້, 2 ພັກໄດ້ຢືນຢືນຢ່າງເລິກເຊິ່ງວ່າ ນີ້ແມ່ນໂອກາດເພື່ອໃຫ້ບັນດານັກທິດສະດີຂອງ 2 ພັກພ້ອມກັນແລກປ່ຽນບົດຮຽນນຳກັນ, ປະກອບສ່ວນຍູ້ແຮງກິດຈະການພັດທະນາຂອງແຕ່ລະປະເທດ ເພື່ອນຳການພົວພັນຄູ່ຮ່ວມມືຍຸດທະສາດຢ່າງຮອບດ້ານລະຫວ່າງ 2 ປະເທດຂຶ້ນສູ່ລະດັບສູງໃໝ່. ຜ່ານການສຳມະນາພວກເຮົາຍິ່ງມີຄວາມເຂົ້າໃຈຢ່າງເລິກເຊິ່ງກ່ວາກ່ຽວກັບຫຼາຍບັນຫາທິດສະດີ, ພຶດຕິກຳທີ່ມີຊີວິດຊີວາ ແລະ ຕິດແທດຕົວຈິງ ຊຶ່ງພວມວາງອອກໃຫ້ແກ່ພາລະກິດສ້າງສາລັດທິສັງຄົມນິຍົມຢູ່ແຕ່ລະປະເທດ, ບັນດາບົດຮຽນທີ່ດີ ແລະ ຈຳເປັນສຳລັບຄະນະຜູ້ແທນພັກກອມມູນິດຫວຽດນາມ.