ອິດສະຣາແອນແລະປາແລດສະຕີນເຊື່ອມຕໍ່ການເຈລະຈາຢູ່ອີຢິບ
ເຮືອນຊານຖືກເປເພຍ້ອນການປະທະກັນລະຫວ່າງ ອິດສະຣາແອນ ແລະ ຂະບວນການອິດສະລາມ ຮາມາດ
(ພາບ: AFP/TTXVN)
(vovworld) – ວັນທີ 17/8, ການເຈລະຈາທາງອ້ອມລະຫວ່າງ ອິດສະຣາແອນ ແລະ ປາແລດສະຕີນ ໄດ້ເຊື່ອມຕໍ່ຢູ່ ກາຍໂຣ, ປະເທດ ອີຢິບ ເພື່ອແນໃສ່ບັນລຸໄດ້ຂໍ້ຕົກລົງຢຸດຍິງຍາວນານຢູ່ເຂດ ກາຊາ ກ້າວໄປເຖິງຢຸດຕິການປະທະກັນນອງເລືອດທີ່ແກ່ຍາວກ່ວາໜຶ່ງເດືອນຜ່ານມາ. ການເຈລະຈາໄດ້ດຳເນີນໄປຢູ່ສຳນັກງານອົງການສືບລາຊະການລັບ ອີຢິບ ແລະ ໄດ້ຮັບການເຊື່ອມຕໍ່ພາຍຫຼັງຄຳສັ່ງຢຸດຍິງຊົ່ວຄາວໝົດຜົນສັດສິດພຽງໜຶ່ງວັນ. ຕາມແຜນການແລ້ວ, ຜູ້ຕາງໜ້າຂະບວນການອິດສະລາມ ຮາມາດ, ກຳລັງຄວບຄຸມເຂດ ກາຊາ, ກໍ່ເຂົ້າຮ່ວມກອງປະຊຸມແຕ່ຄະນະປະຕິບັດງານຈະໄປຍັງ ກາຍໂຣ ໃນຕອນຄຳ່ວັນດຽວກັນ. ເຖິງຢ່າງໃດກໍ່ຕາມ, ສະມາຊິກຜູ້ໜຶ່ງຂອງຄະນະເຈລະຈາ ປາແລດສະຕີນ ສະແດງຄວາມບໍ່ປະເອີບໃຈຕໍ່ການເຈລະຈາຄັ້ງນີ້. ປາແລດສະຕີນ ຈະບໍ່ຫລຸດຜ່ອນຄວາມຮຽກຮ້ອງໃນການເຈລະຈາ, ພິເສດແມ່ນເລື່ອງຮຽກຮ້ອງ ອິດສະຣາແອນ ລົບລ້າງຄຳສັ່ງປິດລ້ອມ. ໃນຂະນະນັ້ນ, ທ່ານນາຍົກລັດຖະມົນຕີ ອິດສະຣາແອນ Benjamin Netanyahu ຢັ້ງຢືນວ່າ: ອິດສະຣາແອນ ຈະບໍ່ເປັນເອກະສັນກ່ຽວກັບບໍ່ວ່າຂໍ້ຕົກລົງຢຸດຍິງຊົ່ວຄາວໃດໆຢູ່ເຂດ ກາຊາ ຖ້າຫາກບັນດາຄວາມຮຽກຮ້ອງຕ້ອງການປ້ອງກັນຄວາມສະຫງົບຂອງ ແຕນ ອາວີບ ບໍ່ໄດ້ຮັບການຕອບສະໜອງ.