(vovworld) – ຕອນເຊົ້າວັນທີ 3/11, ຢູ່ຮ່າໂນ້ຍ, ທີ່ການຕ້ອນຮັບທ່ານ Pallab Sengupta, ກຳມະການກົມການເມືອງ, ຫົວໜ້າຄະນະສາກົນພັກກອມມູນິດ ອິນເດຍ, ເລຂາທິການໃຫຍ່ອົງການສັນຕິພາບ ແລະ ສາມັກຄີທົ່ວ ອິນເດຍ, ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານນາງ ຫງວຽນທິຮ່ວາງເວີນ, ຮອງປະທານສະຫະພັນບັນດາອົງການມິດຕະພາບ ຫວຽດນາມ ຊີ້ແຈ້ງການພົວພັນມິດຕະພາບທີ່ເປັນມູນເຊື້ອອັນດີງາມຂອງປະຊາຊົນ 2 ປະເທດ ຫວຽດນາມ - ອິນເດຍ, ພິເສດແມ່ນບັນດາການຢ້ຽມຢາມຂັ້ນສູງຂອງການນຳ 2 ປະເທດໄລຍະມໍ່ໆມານີ້. ທ່ານນາງ ຫງວຽນທິຮ່ວາງເວີນ, ສະແດງຄວາມເຊື່ອໝັ້ນວ່າການຢ້ຽມຢາມ ຫວຽດນາມ ຂອງທ່ານ Pallab Sengupta ແລະ ຄະນະຜູ້ແທນຄັ້ງນີ້ຈະປະກອບສ່ວນເພີ່ມພູນຄູນສ້າງສາຍພົວພັນນັ້ນກ່ວາອີກ.
ທ່ານ Pallab Sengupta ໃຫ້ຮູ້ວ່າ: ການຢ້ຽມຢາມ ຫວຽດນາມ ຂອງຄະນະຜູ້ແທນອິນເດຍ ຄັ້ງນີ້ເພື່ອແນໃສ່ແລກປ່ຽນແຜນການສົມທົບກັນຈັດຕັ້ງງານມະໂຫລານມິດຕະພາບ ຫວຽດນາມ - ອິນເດຍ, ເຊິ່ງຈະດຳເນີນໄປຢູ່ ອິນເດຍ ໃນປີ 2015. ນີ້ແມ່ນການເຄື່ອນໄຫວໄດ້ຮັບການຈັດຕັ້ງນັບແຕ່ປີ 2007 ແລະ ຜັດປ່ຽນກັນຈັດຕັ້ງ 2 ປີ/ເທື່ອໜຶ່ງ ພັດປ່ຽນກັນຢູ່ແຕ່ລະປະເທດ, ປະກອບສ່ວນເພີ່ມທະວີຄວາມເຂົ້າອົກເຂົ້າໃຈລະຫວ່າງ ປະຊາຊົນ 2 ປະເທດ. ທ່ານ Pallab Sengupta ຢືນຢັນວ່າ: ອິນເດຍ ຖືເປັນສຳຄັນການພົວພັນຮ່ວມມືກັບ ຫວຽດນາມ ແລະ ໃຫ້ຄຳໝັ້ນສັນຍາວ່າຈະມານະພະຍາຍາມເພື່ອປະກອບສ່ວນເພີ່ມພູນຄູນສ້າງສາຍພົວພັນລະຫວ່າງປະຊາຊົນ 2 ປະເທດໃຫ້ນັບມື້ນັບສະໜິດແໜ້ນກ່ວາອີກ.