(vovworld) – ວັນທີ 05/09, ທ່ານປະທານາທິບໍດີອີຢິບ Abdel Fattah Al Sisi ໄດ້ໄປຢ້ຽມຢາມຄະນະເລຂາອາຊຽນ ແລະ ມີການພົບປະກັບທ່ານເລຂາທິການໃຫຍ່ອາຊຽນ ເລເລືອງມິງ. ທີ່ການພົບປະ, ທ່ານເລຂາທິການໃຫຍ່ ເລເລືອງມິງ ໄດ້ຕີລາຄາສູງ ຄວາມເອົາໃຈໃສ່ຂອງອີຢິບ ໃນການຊຸກຍູ້ການພົວພັນທີ່ດີ ກັບບັນດາປະເທດອາຊຽນ ແລະ ສືບຕໍ່ສຳພັດຢ່າງເລິກເຊິ່ງ, ກວ້າງຂວາງ ນັບທັງທາງດ້ານການທູດໃນພາກພື້ນອາຊີຕາເວັນອອກສ່ຽງໃຕ້. ທ່ານເລເລືອງມິງ ເນັ້ນໜັກວ່າ, ອາຊຽນ ພວມມານະພະຍາຍາມ ປະຕິບັດສຳເລັດແຜນການຂອງຕົນ ແລະ ໜຶ່ງໃນບັນດາປັດໄຈສຳຄັນແມ່ນເປີດກວ້າງການພົວພັນທາງການທູດຂອງອາຊຽນ ກັບບັນດາຄູ່ຮ່ວມມືໃໝ່ ແລະ ພວມພົ້ນເດັ່ນຄືອາຟະລິກາ ກໍຄືພາກຕາເວັນອອກກາງ. ກໍທີ່ການພົບປະ, 2 ຝ່າຍໄດ້ເຫັນດີສືບຕໍ່ຊອກຮູ້ການຮ່ວມມືໃນບັນດາຂົງເຂດຢ່າງແໜ້ນແຟ້ນຄື: ການສຶກສາ, ທ່ອງທ່ຽວ, ອະນຸລັກຮັກສາມໍລະດົກວັດທະນະທຳ ແລະ ປ້ອງກັນຄວາມສະຫງົບ, ໃນນັ້ນມີການຕໍ່ສູ້ຕ້ານລັດທິກໍ່ການຮ້າຍ, ການໃຊ້ຄວາມຮຸນແຮງ ແລະ ຂົງເຂດອື່ນໆອີກ.