ອາເມລິກາ, ສ.ເກົາຫຼີ ໃຫ້ຄຳໝັ້ນສັນຍາສືບຕໍ່ມານະພະຍາຍາມປະກອບສ່ວນໃຫ້ແກ່ສັນຕິພາບ ແລະ ສະຖຽນລະພາບໃນແຫຼມເກົາຫຼີ
(VOVWORLD) - ວັນທີ 28 ກໍລະກົດ, ທ່ານລັດຖະມົນຕີກະຊວງປ້ອງກັນປະເທດ ອາເມລິກາ Lloyd Austin ແລະ ລັດຖະມົນຕີກະຊວງປ້ອງກັນປະເທດ ສ.ເກົາຫຼີ Shin Wonsik ໄດ້ພົບປະກັນ ຢູ່ ໂຕກຽວ, ຍີ່ປຸ່ນ ໃນວັນທີ 28 ກໍລະກົດ ເພື່ອປຶກສາຫາລືບັນດາບັນຫາໃຫຍ່ ເຊິ່ງສຳພັນທະມິດ ອາເມລິກາ - ສ.ເກົາຫຼີ ພວມປະເຊີນໜ້າ.
ສອງຝ່າຍໄດ້ແລກປ່ຽນກ່ຽວກັບສະພາບການຫວ່າງມໍ່ໆມານີ້ໃນແຫຼມ ເກົາຫຼີ ແລະ ຢັ້ງຢືນຄຳຕັດສິນໃຈທີ່ມີລັກສະນະກ່າວເຕືອນ ແລະ ຮັບມືກັບບັນດາໄພນາບຂູ່ ກໍຄືການກະທຳເກາະຜິດຂອງ ສປປ.ເກົາຫຼີ. ທ່ານລັດຖະມົນຕີກະຊວງປ້ອງກັນປະເທດ ສ.ເກົາຫຼີ ຕຳໜິຕິຕຽນເລື່ອງ ສປປ.ເກົາຫຼີ ປ່ອຍບາລູນພ້ອມດ້ວຍຂີ້ເຫຍື້ອມາຍັງ ສ.ເກົາຫຼີ ແລະ ຖືວ່າ ນັ້ນແມ່ນການກະທຳລະເມີດສັນຍາຢຸດຮົບ ແລະ ແມ່ນໄພນາບຂູ່ອະທິປະໄຕຂອງ ສ.ເກົາຫຼີ. ທ່ານລັດຖະມົນຕີກະຊວງປ້ອງກັນປະເທດ ອາເມລິກາ ແລະ ສ.ເກົາຫຼີ ຮຽກຮ້ອງໃຫ້ ສປປ.ເກົາຫຼີ ຢຸດຕິທຸກການກະທຳເກາະຜິດຂອງຕົນ.
ສອງຝ່າຍກໍເຫັນດີເພີ່ມທະວີຄວາມມານະພະຍາມຫັນບັນດາກໍາລັງຄວາມສາມາດຂອງສຳພັນທະວິດເປັນທັນສະໄໝ ເພື່ອກາຍເປັນສຳພັນທະມິດວິທະຍາສາດ ແລະ ເຕັກໂນໂລຢີ. ສອງຝ່າຍໃຫ້ຄຳໝັ້ນສັນຍາ ຈະສືບຕໍ່ຊອກຫາບັນດາມາດຕະການສົມທົບ ເພື່ອແນໃສ່ເພີ່ມທະວີການຮ່ວມມືໃນພາກພື້ນ ມະຫາສະໝຸດອິນເດຍ - ປາຊີຟິກ ກັບບັນດາຄູ່ຮ່ວມມື ອາຊຽນ ແລະ ບັນດາປະເທດເກາະ ປາຊີຟິກ.
VOV ປະຈຳ ອາເມລິກາ