ນັກຂ່າວVOVສຳພາດທ່ານ Puneet Talwar, ຜູ້ຊ່ວຍວຽກ
ລັດຖະມົນຕີການຕ່າງປະເທດ ອາເມລິກາ
ພາບ:vov
|
(vovworld)- ນີ້ແມ່ນຂ່າວຄາວຊື່ງກະຊວງການຕ່າງປະເທດ ອາເມລິກາ ຫາກໍ່ປະກາດໃນບົດລາຍງານປະຈຳປີ ກ່ຽວກັບຄວາມມານະພະຍາຍາມແກ້ໄຂບັນຫາລູກລະເບີດໃນທົ່ວໂລກ. ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ ເນື່ອງໃນໂອກາດນີ້, ທ່ານ Puneet Talwar, ຜູ້ຊ່ວຍວຽກລັດຖະມົນຕີການຕ່າງປະເທດ ອາເມລິກາ ຮັບຜິດຊອບບັນຫາການເມືອງ, ການທະຫານ ໃຫ້ຮູ້ວ່າ: ອາເມລິກາ ໝັ້ນໝາຍຢ່າງແຮງໃນການຫນູນຊ່ວຍຫວຽດນາມ ແກ້ໄຂລູກລະເບີດບໍ່ທັນແຕກຫລັງສົງຄາມ. ຫວຽດນາມ ຍາມໃດກໍແມ່ນຫນຶ່ງໃນບັນດາປະເທດຊື່ງພວກຂ້າພະເຈົ້າສະຫງວນການບຸລິມະສິດສູງສຸດ. ແຕ່ປີ 1993 ມາຮອດປະຈຸບັນ ອາເມລິກາ ໄດ້ຫນູນຊ່ວຍຈຳນວນເງິນ 70 ລ້ານ USD ໃຫ້ແກ່ຫວຽດນາມ ເພື່ອແກ້ໄຂບັນຫາລູກລະເບີດບໍ່ທັນແຕກຫລັງສົງຄາມ.
“ປີ 2015, ອາເມລິກາ ຈະເພີ່ມລະດັບຫນູນຊ່ວຍໃຫ້ແກ່ຫວຽດນາມ ເພື່ອແກ້ໄຂບັນຫາລູກລະເບີດບໍ່ທັນແຕກຫລັງສົງຄາມໃຫ້ຂຶ້ນທົບສອງເທົ່າ. ພິເສດ ພວກຂ້າພະເຈົ້າ ພວມປະຕິບັດໂຄງການທົດລອງ ດ້ວຍຄວາມຫວັງວ່າ ຈະຫລຸດຜ່ອນການນາບຂູ່ຈາກລູກລະເບີດ ຢູ່ ແຂວງ ກວ໋າງຈີ້ ໃນໄລຍະ 5 ປີ.”
Nhat Quynh, ນັກຂ່າວ VOV ປະຈຳ ວໍຊິງຕັນ